'मन धागा धागा...' फेम अभिनेत्रीची 'लक्ष्मी निवास' मालिकेत एन्ट्री; साकारणार ही महत्वपूर्ण भूमिका

गेल्या काही दिवसांपासून छोट्या पडद्यावर नव्या मालिकांची नांदी सुरू झाल्याचं पाहायला मिळत आहे.

Laxmi Niwas: गेल्या काही दिवसांपासून छोट्या पडद्यावर नव्या मालिकांची नांदी सुरू झाल्याचं पाहायला मिळत आहे. 'झी मराठी' वाहिनीवर एकामागोमाग नव्या मालिका प्रेक्षकांच्या भेटीला येत आहेत. अशातच मालिकाविश्वात सध्या चर्चा आहे ती 'झी मराठी'च्या आगामी 'लक्ष्मी निवास' (Laxmi Niwas) मालिकेची. अगदी काही दिवसांपूर्वीच सोशल मीडियावर लक्ष्मी निवास मालिकेचा प्रोमो सोशल मीडियावर शेअर करण्यात आला होता. या प्रोमोद्वारे मालिकेतील स्टारकास्टबद्दल उलगडा करण्यात आला होता. आपल्या माणसांनीच बनतं आपलं घरकुल…!  'लक्ष्मी निवास' यामध्ये हर्षदा खानविलकर, तुषार दळवी, अक्षया देवधर, मीनाक्षी राठोड यांच्या महत्त्वाच्या भूमिका आहेत. दरम्यान, आता या मालिकेत स्टार प्रवाहवरील एका नायिकेची वर्णी लागली आहे. 

सोशल मीडियावर 'झी मराठी'कडून नवा प्रोमो शेअर करण्यात आला आहे. आपल्या या प्रोमोमध्ये लक्ष्मी आणि निवास यांच्या मुलीचं लग्न होत असल्याचं दाखवण्यात आलं आहे. त्यामध्ये अक्षया देवधरसोबत 'मन धागा धागा जोडते नवा' फेम अभिनेत्री दिव्या पुगावकरदेखील दिसते आहे. त्यामुळे प्रेक्षकांची उत्सुकता आणखी वाढली आहे. अक्षया आणि दिव्या मालिकेत त्यांच्या मुलींच्या भूमिकेत पाहायला मिळत आहेत. इतर कलाकांचीही झलक मालिकेच्या प्रोमोमध्ये दाखवण्यात आली आहे. एकीकडे घराचं स्वप्न आणि मुलीतं लग्न अशी इच्छा मनात बाळगणाऱ्या लक्ष्मी-निवास  कथा प्रेक्षकांच्या पसंतीस उतरली आहे. 

स्वत: च्या घराचं स्वप्न बघणाऱ्या प्रत्येकाची गोष्ट! असा या मालिकेचा आशय असल्याचं कळतंय. ‘झी मराठी’ वाहिनीवरील ही आगामी ‘लक्ष्मी निवास’ मालिका, ‘झी कन्नडा’ची मालिका ‘लक्ष्मी निवासा’चा मराठी रिमेक आहे. सध्या या नव्या मालिकेची सर्वत्र चर्चा रंगलेली आहे.