Video : मराठी अभिनेते सुनील तावडे यांचा दिलखुलास डान्स, होणाऱ्या जावयाबरोबर थिरकले

नाटक, मालिका किंवा सिनेमा यातून प्रेक्षकांचे मनोरंजन करणारे मराठी अभिनेते सुनील तावडे (Sunil Tawde) यांचा एक व्हिडिओ सध्या व्हायरल होतोय. नायक असो वा खलनायक वेगवेगळ्या भूमिकांमधून ते आपल्या भेटीस आले आहेत. सुनील तावडे यांच्या घरी सध्या लग्नाची गडबड सुरु आहे. त्यांची लेक अंकिताचं लग्न ठरलं असून होणाऱ्या जावयासोबत दिलखुलास नाचतानाचा त्यांचा व्हि़डिओ व्हायरल झाला आहे. 

अंकिता तावडे हिने सोशल मीडियावर व्हिडिओ पोस्ट केला आहे. यामध्ये तिचे वडील सुनील तावडे आणि होणारा नवरा डान्स प्रॅक्टीस करत आहेत. या वयातही सुनील तावडे यांचा जबरदस्त उत्साह बघायला मिळतोय. सासरे आणि जावयाचं बॉंडिंगही मस्त जमलंय.

View this post on Instagram

A post shared by Ankita Tawde (@ankitasuniltawde)

अंकिता सुद्धा टीव्ही इंडस्ट्रीत आहे. ती स्टार प्रवाह वाहिनीमध्ये निर्माती म्हणून काम पाहते. तर सुनील तावडे यांचा मुलगा शुभंकर तावडे अभिनेता आहे. तो नुकताच रितेश जिनिलियाच्या 'वेड' सिनेमात दिसला होता. यामध्ये त्याने रितेशच्या मित्राची भूमिका साकारली होती.  सुनील तावडे नुकतेच 'माझा होशील ना' मालिकेत दिसले होते. मात्र त्यांचं आजही नाटकावर जास्त प्रेम आहे. त्यांची अनेक नाटकं तुफान गाजली आहेत.