‘तुझ्या माझ्या संसाराला आणि काय हवं’मधील 'ही' अभिनेत्री खऱ्या आयुष्यात आहे उद्योजिका; जाणून घ्या तिच्या बिझनेसविषयी

Poonam deshmukh: 'तुझ्या माझ्या संसाराला आणि काय हवं' या मालिकेच्या माध्यमातून पूनमने पहिल्यांदाच कलाविश्वात पदार्पण केलं आहे.

छोट्या पडद्यावर सध्या गाजत असलेली मालिका म्हणजे 'तुझ्या माझ्या संसाराला आणि काय हवं!' (tuzya mazya sansarala ani kay hava). या मालिकेच्या माध्यमातून एकत्र कुटुंब पद्धतीचं महत्त्वं, कुटुंबीयांचं एकमेकांप्रती असलेलं प्रेम, जिव्हाळा, आपुलकी या सगळ्यावर प्रकाश टाकण्यात आला आहे. त्यामुळे ही मालिका अल्पावधीत लोकप्रिय झाली. विशेष म्हणजे या मालिकेतील प्रत्येत कलाकाराने त्यांच्या अभिनयशैलीच्या जोरावर प्रेक्षकांची मनं जिंकली आहेत. त्यामुळे या कलाकारांच्या प्रोफेशन लाइफसोबतच पर्सनल लाइफ जाणून घेण्यासाठीही चाहते उत्सुक असतात.

'तुझ्या माझ्या संसाराला आणि काय हवं!' या मालिकेतील प्रत्येक भूमिका सध्या गाजत आहे. मात्र, विसरभोळ्या नानीच्या भूमिकेला प्रचंड प्रेम मिळत आहे. या मालिकेत अभिनेत्री पूनम चव्हाण-देशमुखने नानीची भूमिका साकारली आहे. विशेष म्हणजे छोट्या पडद्यावर गाजत असलेली ही अभिनेत्री खऱ्या आयुष्यात एक उद्योजिका आहे. तिचा स्वतंत्र व्यवसाय असून याविषयीची माहिती ती अनेकदा सोशल मीडियाच्या माध्यमातून देत  असते.

'तुझ्या माझ्या संसाराला आणि काय हवं': मुंबईपासून अवघ्या हाकेच्या अंतरावर सुरु आहे मालिकेचं शुटींग

पूनम देशमुख हिचा 'स्वादम' नावाचा खाद्य पदार्थांचा ब्रँड आहे. या अतर्गंत ती अनेक घरगुती पदार्थांची विक्री करते. यात वाळवणाचे पदार्थ, तूप, वेफर्स, दिवाळी फराळ, आवळ्याचे पदार्थ, मसाले असं बरंच काही ती विकते. विशेष म्हणजे तिच्या प्रत्येक पदार्थाला मागणी असून इन्स्टाग्रामवर तिने काही फोटो शेअर केले आहेत.

दरम्यान, 'तुझ्या माझ्या संसाराला आणि काय हवं' या मालिकेच्या माध्यमातून पूनमने पहिल्यांदाच कलाविश्वात पदार्पण केलं आहे. नाशिक येथे राहत असलेल्या पूनमला लहानपणापासून अभिनयाची आवड आहे. यापूर्वी ती नाट्यछटा, एकांकिका तसेच नाट्यस्पर्धांमध्ये त्या सहभागी झाल्याचं सांगण्यात येतं