ऑनस्क्रीन सासूबाईंच्या वाढदिवसानिमित्त शिवानी रांगोळेने शेअर केली पोस्ट, म्हणाली-"भविष्यात आपल्याला..."

अभिनेत्री शिवानी रांगोळेने सोशल मीडियावर खास पोस्ट शेअर केली आहे.

Shivani Rangole: झी मराठीवरील 'तुला शिकवीन चांगलाच धडा' या मालिकेने अल्पावधीतच प्रेक्षकांच्या मनावर राज्य केलं. भुवनेश्वरी आणि अक्षरा या सासू-सुनेच्या जोडीला प्रेक्षकांची पसंती मिळताना दिसते आहे.  शिवाय या मालिकेतील अधिपती आणि अक्षरा या दोघांची केमिस्ट्री चाहत्यांना खूप भावते. अभिनेत्री कविता मेंढेकर भूवनेश्वरीच्या तर अक्षराच्या भूमिकेत शिवानी रांगोळे (Shivani Rangole) पाहायला मिळते आहे. दरम्यान, मालिकेत या सासू- सुनेमध्ये कितीही खटके उडत असले तरी खऱ्या आयुष्यात त्यांच्यामध्ये खूप चांगली बॉण्डिंग आहे. अशातच आपल्या ऑनस्क्रिन सासूबाई म्हणजे कविता यांना वाढदिवशी शिवानीने खास अंदाजात शुभेच्छा दिल्या आहेत. 

सोशल मीडियावर कविता मेंढेकरांसोबतचा फोटो पोस्ट करत अभिनेत्रीने लिहलंय," सुंदर आणि सर्वांवर नेहमीच प्रेम करणाऱ्या गोड व्यक्तीला वाढदिवसाच्या खूप खूप शुभेच्छा! नेहमी तेच करा जे योग्य वाटतंय ही तुझी शिकवण आमच्यासाठी मोलाची आहे. ताई तुझ्याकडून आम्हाला कायमच प्रेरणा मिळते.  भविष्यात आपल्याला अशाच नवनवीन प्रोजेक्ट्समध्ये एकत्र काम करण्याची संधी मिळत राहो."

शिवानीने इन्स्टाग्रामवर कविता मेढेकरांसोबतचे पडद्यामागील क्षण फोटोंच्या माध्यमातून दाखवण्याचा प्रयत्न केला आहे. शिवानीची पोस्ट पाहून कविता यांनी "Thank you Shivani!!! Love you" अशी प्रतिक्रिया देत रिप्लाय केला आहे.