मन झालं बाजिंद: कृष्णाला सोडून राया थाटणार दुसरा संसार; मालिकेत झाली नव्या अभिनेत्रीची एन्ट्री?

Man zala bajind: रायाची आई कृष्णाला, रायापासून दूर जाण्याचा सल्ला देते. त्यामुळे कृष्णादेखील रायाकडून दुसरं लग्न करशील असं वचन घेते.

'मन झालं बाजिंद' ही मालिका आज लोकप्रियतेच्या शिखरावर आहे. परंतु, सुरुवातीच्या काळात ही मालिका फ्लॉप ठरणार असं मत अनेकांनी तयार केलं होतं. परंतु, उत्तम कथानक आणि कलाकारांच्या अभिनयाच्या जोरावर ही मालिका लोकप्रिय ठरली. त्यातच सध्या राया आणि कृष्णा यांच्या संसारात अनेक चढउतार येत आहेत.या दोघांमध्ये प्रेम निर्माण होत असतानाच आता मालिकेत एका नव्या अभिनेत्री एन्ट्री झाल्याचं दिसून येत आहे. त्यामुळे राया, कृष्णाला सोडून नव्याने संसार थाटतोय की काय असा प्रश्न निर्माण झाला आहे.

फॅक्ट्रीमध्ये मशीनचा शॉक लागल्यामुळे कृष्णाचा एक हात निकामी झाल्याचं साऱ्यांनाच ठावूक आहे. तिच्या या परिस्थितीमध्ये तिला राया प्रत्येक पावलावर मदत करत आहे. मात्र, राया आणि कृष्णाचा सुरु असलेला हा संसार पाहून रायाची आई कृष्णाला, रायापासून दूर जाण्याचा सल्ला देते. त्यामुळे कृष्णादेखील रायाकडून दुसरं लग्न करशील असं वचन घेते. यामध्येच आता एक व्हिडीओ व्हायरल होत आहे. ज्यात राया, कृष्णाकडे दुर्लक्ष करुन दुसऱ्याच एका मुलीमध्ये गुंतल्याचं दिसून येत आहे.

View this post on Instagram

A post shared by मन झालं बाजिंद (@manzalabajind_official)

दरम्यान, झी मराठीने त्यांच्या अधिकृत इन्स्टाग्रामवर राया आणि कृष्णाचा एक मेजदार व्हिडीओ शेअर केला आहे. या व्हिडीओमध्ये राया एका मुलीसोबत गप्पा मारत असून तो वारंवार कृष्णाकडे दुर्लक्ष करत आहे. विशेष म्हणजे हा मालिकेतील खरा भाग नसून केवळ मजेशीर रिल करण्यात आलं आहे. या व्हिडीओच्या बॅकग्राऊंडला 'इस दिवाने लडके कों  कोई समझाये' हे गाणं सुरु असल्याचं ऐकायला मिळत आहे.