Bigg Boss Marathi 3: अक्षय वाघमारे बिग बॉसमधून बाहेर; 'या' सेलिब्रिटीने घेतली घरात एण्ट्री

 Bigg Boss Marathi 3: बिग बॉस मराठीच्या तिसऱ्या सीझनमध्ये घरामधून बाहेर पडणारा पहिला सदस्य अक्षय वाघमारे ठरला.

ठळक मुद्देएका प्रसिद्ध अभिनेत्याची घरात सरप्राइज एण्ट्री झाली आहे

कलर्स मराठीवरील 'बिग बॉस मराठी'चं ३ पर्व (Bigg Boss Marathi 3) बऱ्याच कारणामुळे चर्चेत येत आहे.  अगदी पहिल्या दिवसापासून स्पर्धकांमधील वादविवाद, भांडणे यांच्यामुळे घर दणाणून गेलं आहे. अवघ्या १०-१२ दिवसात या घरात तीन ग्रुप पडल्याचं पाहायला मिळालं. बिग बॉसच्या घरात आता नॉमिनेशन प्रक्रियेला सुरुवात झाली असून या घरामधून आता दर आठवड्याला एका सदस्याला बाहेर जाणे अनिवार्य असणार आहे. 

या आठवड्यामध्ये सुरेखा कुडची, अक्षय वाघमारे, संतोष चौधरी (दादुस), विशाल निकम, तृप्ती देसाई आणि स्नेहा वाघ हे घराबाहेर जाण्याच्या प्रक्रीयेमध्ये नॉमिनेट झाले होते. परंतु, अक्षय वाघमारेचा प्रवास अर्ध्यावरच थांबला आणि त्याला बिग बॉसच्या घरातून बाहेर पडावं लागलं. मात्र, अक्षय घराबाहेर गेल्यानंतर एका नव्या स्पर्धकाची घरात एण्ट्री झाली आहे.

अक्षय वाघमारे (akshay waghmare) घरातून बाहेर पडल्यानंतर एका प्रसिद्ध अभिनेत्याची घरात सरप्राइज एण्ट्री झाली आहे. 'रात्रीस खेळ चाले' या मालिकेतील अभिनेता आदिश वैद्य यांने बिग बॉसच्या घरात वाइल्ड कार्ड एण्ट्री घेतली आहे.

दरम्यान,बिग बॉस मराठीच्या तिसऱ्या सीझनमध्ये घरामधून बाहेर पडणारा पहिला सदस्य अक्षय वाघमारे ठरला. आता येत्या आठवड्यामध्ये कोण नॉमिनेट होईल ? प्रेक्षकांचे मत कोणाला वाचवेल ? आणि कोण घराबाहेर जाईल ? हे बघणे रंजक असणार आहे. तसंच आदिशच्या अचानक घरामध्ये झालेल्या एण्ट्रीमुळे आता घरातील सदस्यांची काय प्रतिक्रिया असेल ? घरामध्ये कोणते रंजक वळण येईल ? हे पाहणंदेखील औत्सुक्याचं ठरणार आहे.