मरियम खान- रिपोर्टिंग लाइव्हमध्ये अमृता पुरी रंगवणार ही भूमिका

‘स्टार प्लस’वरील ‘मरियम खान- रिपोर्टिंग लाइव्ह’ या मालिकेत अनेक नामवंत कलाकार प्रेक्षकांना महत्त्वाच्या भूमिकांमध्ये दिसत आहेत. या कलाकारांमध्ये आता ...

‘�

��्टार प्लस’वरील ‘मरियम खान- रिपोर्टिंग लाइव्ह’ या मालिकेत अनेक नामवंत कलाकार प्रेक्षकांना महत्त्वाच्या भूमिकांमध्ये दिसत आहेत. या कलाकारांमध्ये आता आणखी काही प्रसिद्ध कलाकारांची भर पडणार आहे. या टीममध्ये आता अमृता पुरी सामील झाली असून ती या मालिकेत एका महत्त्वाच्या भूमिकेत दिसणार आहे. अमृता पुरीने शेवटची भूमिका ‘पीओडब्ल्यू- बंदी युद्ध के’ या मालिकेत रंगविली होती. आता ती ‘मरियम खान- रिपोर्टिंग लाइव्ह’ या मालिकेतील भूमिकेद्वारे छोट्या पडद्यावर पुनरागमन करत आहे.
‘मरियम खान- रिपोर्टिंग लाइव्ह’ मालिकेत मदिहाच्या म्हणजेच रुख्सार रेहमानच्या धाकट्या बहिणीच्या भूमिकेत प्रेक्षकांना अमृताला पाहाण्यात येणार आहे. या मालिकेचे कथानक लवकरच मदीहा आणि तिच्या बहिणीच्या जीवनाभोवती केंद्रित होणार आहे. त्यामुळे या मालिकेत लवकरच अमृताची एंट्री होणार आहे. अमृताला प्रचंड फॅन फॉलॉव्हिंग असल्याने एका शक्तिशाली आणि वेगळ्या भूमिकेत तिला पाहण्यास तिचे फॅन्स उत्सुक आहेत.
‘मरियम खान- रिपोर्टिंग लाइव्ह’ ही मालिका स्टार प्लसवर नुकतीच सुरू झाली असून प्रेक्षकांना सोमवार ते शुक्रवार संध्याकाळी साडे सात वाजता पाहायला मिळत आहे. मरियम खान रिपोर्टिंग लाइव्ह मालिकेत नऊ वर्षांची चिमुरडी देशना दुगड मुख्य भूमिकेत पाहायला मिळत आहे. भोपालच्या पार्श्वभूमीवर या मालिकेची कथा असून या मालिकेपूर्वीही देशनाने 'इस प्यार को क्या नाम दूँ' आणि 'बाल कृष्ण' या मालिकेत काम केले आहे. मरियम खान या मुलीचा जगाकडे पाहण्याचा निरागस दृष्टिकोन आपल्याला ताज्या हवेच्या झुळुकीसारखा ताजेतवाने करणारा ठरणार असल्याची मालिकेच्या टीमला खात्री आहे. सध्या अनेक मालिकेत बच्चेकंपनीचा बोलबाला असल्याचे पाहायला मिळत आहे. अनेकवेळा बच्चेकंपनीला आपण लहान भूमिका करताना पाहिले आहे. मात्र आता तसे नसून बच्चेकंपनी मुख्य भूमिका साकारताना दिसत आहेत. विशेष म्हणजे या मालिकांना रसिकांचीही चांगली पसंती मिळत असल्याचे पाहायला मिळत आहे. 'कुल्फी कुमार बाजेवाला' मालिकेतही आकृती शर्मा ही सात वर्षाची चिमुरडी मुख्य भूमिकेत पाहायला मिळत आहे. अल्पावधीतच या मालिकेला रसिकांचा चांगला प्रतिसाद मिळत आहे. त्यामुळे 'कुल्फी कुमार बाजेवाला'प्रमाणेच 'मरियम खान-रिपोर्टिंग लाइव्ह'ही मालिका रसिकांचे मनं जिंकण्यात यशस्वी ठरेल असा निर्मात्यांना विश्वास आहे.

Also Read : ‘मरियम खान- रिपोर्टिंग लाइव्ह’ मालिकेत या भूमिकेत दिसणार नसिरुद्दिन आणि रत्ना पाठक यांचा मुलगा विवान शहा