Mazhi Tuzhi Reshimgaath : यश आणि नेहाचा रोमॅन्टिक व्हिडीओ पाहिलात का? व्हिडीओपेक्षा गाण्याचीच चर्चा...!!
By ऑनलाइन लोकमत | Published: August 10, 2022 05:18 PM2022-08-10T17:18:32+5:302022-08-10T17:23:58+5:30
Mazhi Tuzhi Reshimgaath : नेहा अर्थात नेहाची भूमिका साकारणारी अभिनेत्री प्रार्थना बेहरेने (Prarthana Behere) तिच्या इन्स्टाग्रामवर एक रोमँटिक व्हिडीओ शेअर केला आहे आणि चाहते या व्हिडीओच्या प्रेमात पडले आहेत.
Mazhi Tuzhi Reshimgaath : यश आणि नेहाचा रोमॅन्टिक व्हिडीओ पाहिलात का? व्हिडीओपेक्षा गाण्याचीच चर्चा...!!
Next ‘माझी तुझी रेशीमगाठ’ (Mazhi Tuzhi Reshimgaath ) ही प्रेक्षकांची आवडती मालिका आणि यश, नेहा आणि परी ही आवडती पात्र. सध्या मालिकेत नेहाची पहिली मंगळागौर दाखवली जात आहे. यावेळी नेहा आणि यशची रोमॅन्टिक केमिस्टीही पाहायला मिळतेय. नेहा अर्थात नेहाची भूमिका साकारणारी अभिनेत्री प्रार्थना बेहरेने (Prarthana Behere) तिच्या इन्स्टाग्रामवर एक रोमँटिक व्हिडीओ शेअर केला आहे आणि चाहते या व्हिडीओच्या प्रेमात पडले आहेत.
व्हिडीओमध्ये प्रार्थना नऊवारी साडीत दिसतेय तर श्रेयसने ब्लॅक रंगाचा कुर्ता व पायजामा परिधान केला आहे. व्हिडीओत नेहा चालत चालत यशजवळ येताना दिसते. कधी नेहाच्या डोळ्यात चटकन् पाणी येतं तर कधी ती मनमोकळी हसताना दिसते. यश तिचा हात हातात घेतो, कधी तिला गुलाबाचं फुल देताना दिसतो.
व्हिडीओतील नेहा व यशची रोमॅन्टिक केमिस्ट्री जबरदस्त आहेच. पण त्यापेक्षा जबरदस्त आहे ते गाणं. होय, ‘थोडी सागर थंडाई, थोडी शंकरी शिंपले, कधी चांदणे टिपूर, तुझ्या डोळ्यांत वाचले...’ हे गाणं ऐकून प्रेक्षकांच्या जुन्या आठवणी ताज्या झाल्या आहेत. कारण या व्हिडीओत ‘वादळवाट’ या मालिकेचं शीर्षक गीत बॅकग्राऊंडमध्ये ऐकू येत आहे. नेहाला हे गाणं खूप आवडतं आणि प्रेक्षकांनाही हे गाणं ऐकून प्रेक्षक जुन्या आठवणीत रमले आहेत. त्यामुळे नेहा-यशच्या रोमँटिक व्हिडिओपेक्षा ‘वादळवाट’च्या शीर्षक गीताचीच चर्चा होताना दिसते आहे.
या व्हिडीओवर चाहत्यांनी भरभरून कमेंट्स केल्या आहेत. चाहते अगदी या व्हिडीओच्या प्रेमात पडले आहेत. काही दिवसांपूर्वी नेहाचा पहिला नवरा अविनाशची मालिकेत एंट्री झाली आहे. पण आता मंगळागौरीच्या एपिसोड्समुळे पुन्हा एकदा नेहा व यश यांचा रोमान्स चाहत्यांना पाहायला मिळतोय.