'बडी धीरे जली रैना..' प्रार्थना बेहरेचा लेटेस्ट व्हिडीओ पाहून चाहते झाले घायाळ, म्हणाले....

Prarthana Behere : प्रार्थना बेहरेचा सोशल मीडियावरील व्हिडीओ सध्या व्हायरल होताना दिसत आहे.

मराठी सिनेइंडस्ट्रीतील प्रसिद्ध अभिनेत्री प्रार्थना बेहरे (Prarthana Behere)ने 'माझी तुझी रेशीमगाठ' (Mazi Tuzi Reshimgath) या मालिकेत शेवटची पाहायला मिळाली होती. या मालिकेत तिने नेहाची भूमिका साकारली होती. या मालिकेतून तिला खूप प्रेम मिळाले. या मालिकेत प्रेक्षकांना तिचा सोज्वळपणा, साधेपणा खूप भावला. आजही प्रेक्षक नेहाला मिस करतात. प्रार्थना सोशल मीडियावर सक्रीय असून ती या माध्यमातून चाहत्यांना अपडेट देत असते. दरम्यान तिची सोशल मीडियावरील पोस्ट चर्चेत आली आहे.

प्रार्थना बेहरे हिने इंस्टाग्रामवर व्हाइट टॉपमधील फोटोंचा व्हिडीओ शेअर करत लिहिले की,बड़ी धीरे जली रैना, धुआं धुआं नैना. काही तासांपूर्वी शेअर केलेला हा व्हिडीओ चांगलाच व्हायरल होतोय. प्रार्थनाच्या या व्हिडीओला चाहत्यांची पसंती मिळताना दिसते. तिच्या या पोस्टवर चाहते लाइक्स आणि कमेंट्सचा वर्षाव करत आहे. ब्युटीफुल. गॉर्जिअस, खूप छान अशा कमेंट्स चाहत्यांनी केल्या आहेत.

View this post on Instagram

A post shared by Prarthana 💜 (@prarthana.behere)

प्रार्थना बेहरे हिने छोट्या पडद्यावरुन अभिनय क्षेत्रात पदार्पण केले आहे. तिने पवित्र रिश्ता या हिंदी मालिकेतून करिअरची सुरुवात केली आहे. त्यानंतर तिने मराठी चित्रपटातदेखील काम केले आहे. ‘मितवा’, ‘मिस्टर अँड मिस्टर सदाचारी’, ‘कॉफी आणि बरंच काही’ यांसारख्या चित्रपटात तिने काम केले आहे. लवकरच छुमंतर चित्रपटात दिसणार आहे.

प्रार्थना बेहरेचा पती अभिषेक जावकर हा लेखक, दिग्दर्शक, निर्माता आहे. अभिषेक जावकरने काही तेलगू चित्रपटांचे वितरण केलं आहे. मूळ ‘सिंघम’ चित्रपटाची निर्मितीही त्यानेच केली आहे.  डब्बा ऐस पैस, शुगर, सॉल्ट आणि प्रेम या मराठी चित्रपटांची सहनिर्मिती त्याने केली आहे.