Indian Idol 12 कॉन्ट्रव्हर्सीवर मियांग चँगनं केला मोठा खुलासा, वाचून व्हाल हैराण

इंडियन आयडॉलच्या ५व्या सीझनचा स्पर्धक मियांग चँगने सध्याच्या सीझनवर सुरू असलेल्या वादानंतर मोठा खुलासा केला आहे.

छोट्या पडद्यावरील लोकप्रिय सिंगिग रिएलिटी शो इंडियन आयडॉल १२वरून सुरू असलेला वाद थांबायचे काही नाव घेत नाही आहे. अमित कुमार यांच्या वादानंतर काही जुन्या इंडियन आयडॉलच्या स्पर्धकांनी आपले मत व्यक्त केले आहे. इंडियन आयडॉलच्या पहिल्या सीझनचा विजेता अभिजीत सावंतने या सर्व प्रकरणावर आपले मत सांगितले होते आणि म्हटले होते की, आजकाल निर्माते टॅलेंटपेक्षा जास्त गरिबी, लव अँगलला महत्त्व देतात. त्यानंतर आता या शोच्या पाचव्या सीझनचा स्पर्धक मियांग चँगने आपले मत व्यक्त केले आहे.

आजतकच्या रिपोर्टनुसार मियांग चँगने म्हटले की, तो बऱ्याच काळापासून इंडियन आयडॉलच्या टीमच्या संपर्कात नाही. त्यामुळे त्याला या वादाबद्दल फारशी कल्पना नाही. मी जेव्हा पाचव्या सीझनमध्ये होतो आणि जेव्हा शोला दहा वर्षे पूर्ण झाले होते त्यावेळी मी सहभागी झालो होतो. आता शो फॉलो करत नाही. त्यामुळे शोशी संबधीत वादाबद्दल माहित नाही.

मियांग पुढे म्हणाला की, मी ऐकले आहे की, या सीझनचे सिंगर्स खूप ट्रेन्ड आहेत. हे सिंगर्स खूप दमदार आहेत. पहिल्या तीन सीझन्समध्ये असे होते की, एक सिंगर परफेक्ट आहेत तर दुसरा माझ्यासारखा अनट्रेन्ड. मी हेच ऐकले आहे की या सीझनचे सिंगर पूर्णपणे ट्रेन्ड आहेत. रिएलिटी शोमध्ये थोडाफार ड्रामा चालतो. आमचा सीझन सिंपल होता कारण आमच्यापैकी कोणीच ग्लॅमर जगतातील नव्हता. सोशल मीडियावर एक्झपोझर नव्हता. त्या काळात खूप निरागसता आणि पारदर्शकतेसोबत काम केले जात होते.'

इंडियन आयडॉलच्या १२ व्या सीझनमध्ये आता टॉप ९ स्पर्धक राहिले आहेत. यात पवनदीप राजन, मोहम्मद दानिश, अरूणिता कांजिलाल, सवाई भट, आशिष कुलकर्णी, शनमुख प्रिया, अंजली गायकवाड, सायली कांबळे आणि निहाल तारो यांचा समावेश आहे. 

Read in English