​पृथ्वी वल्लभ मालिकेमुळे मुकेश ऋषीला भेटला लहान भाऊ

ब�

��लिवूड अभिनेता मुकेश ऋषी सोनी एन्टरटेन्मेंट टेलिव्हिजनवरील पृथ्वी वल्लभ मालिकेत कल्लारीच्या भूमिकेत प्रेक्षकांना पाहायला मिळत आहे. या मालिकेत तो पृथ्वी वल्लभ म्हणजेच आशीष शर्माचा गुरू असल्याचे दाखवण्यात आले आहे. तो या मालिकेत आशिषचा गुरू असला तरी तो खऱ्या आयुष्यात अनेक गोष्टी आशिष शर्माकडून शिकला आहे. मुकेश ऋषीला या मालिकेत काम करायला खूपच मजा येत आहे. या मालिकेच्या सेटवरचे वातावरण खूपच चांगले आहे. या मालिकेच्या सेटवरचे वातावरण एखाद्या कुटुंबियासारखे असल्याचे त्याचे म्हणणे आहे. मुकेश ऋषीने आजवर अनेक मालिकांमध्ये, चित्रपटांमध्ये काम केले आहे. पृथ्वीवल्लभ ही मालिका सध्याच्या मालिकांपेक्षा खूपच वेगळी आहे. त्यामुळे या मालिकेत काम करण्याचा त्याचा अनुभव खूपच छान आहे. या मालिकेत काम करत असताना आशिष शर्मा आणि मुकेशची खूप छान गट्टी जमली आहे. आशिष शर्माला तो लिटल ब्रदर याचा नावाने हाक मारतो. याविषयी मुकेश सांगतो, आशिष खूपच शांत मुलगा आहे आणि त्यामुळे मला त्याचा स्वभाव खूप आवडतो. या मालिकेमुळे मला एक छोटा भाऊ मिळाला आहे. आशिष आणि माझी इतकी चांगली गट्टी जमली आहे की, तो मला माझ्या लहान भावासारखाच वाटतो. चित्रीकरण करत असताना मला त्याच्याकडून खूप गोष्टी शिकायला मिळतात. बॉलिवूड किंवा दक्षिणेतील चित्रपटाचे चित्रीकरण करताना आम्ही संवाद बोलताना जेव्हा अडखळतो, तेव्हा ते दृश्य कापून आम्ही पुन्हा पहिल्यापासून सुरुवात करतो. पण इकडे एकदा आशिष सोबत चित्रीकरण करत असताना आशिष एके ठिकाणी चुकला. पण तरीही न थांबता त्याने संवाद बोलणे सुरू ठेवले त्याची ही कल्पना मला आवडली. मी अनेक वर्षं इंडस्ट्रीचा भाग असलो तरी त्याच्याकडून मला अनेक गोष्टी शिकायला मिळतात. आजकाल चित्रीकरणाच्या वेळी कलाकार रिकाम्या वेळात व्हॅनिटी व्हॅनमध्ये जाऊन बसतात. त्याच्यामुळे आपापसातला संवाद हरपला आहे. पण आमच्या सेटवर आम्ही सगळे मिळून मिसळून राहतो. आम्ही सर्वजण जेवतो देखील एकत्र. आशिष रोज घरून जेवण आणतो आणि त्यातही तो खूप सारे जेवण आणत असल्याने आम्ही सगळे मिळून त्यावर ताव मारतो. या सगळ्यामुळे आमचा सेटवर वेळ खूपच चांगला जातो.”

Also Read : या कारणामुळे सौरव गुर्जरने साकारली पृथ्वी वल्लभ या मालिकेतील भूमिका