मुनव्वर फारुकीचं विजेतेपद Fix होतं? स्वत:च उत्तर देत म्हणाला, "जे असं म्हणत आहेत त्यांनी..."

मुनव्वर फारुकीने दिलं सडेतोड उत्तर

Bigg Boss 17: बिग बॉस 17 चा काल महाअंतिम सोहळा पार पडला. स्टँडअप कॉमेडियन मुनव्वर फारुकीने (Munawar  Faruqui) विजेतेपदावर नाव कोरले. मुनव्वरला 50 लाख रुपये आणि एक आलिशान कार प्राईज मनीमध्ये मिळाली. मुनव्वरचा बिग बॉसमधला प्रवास अतिशय संघर्षपूर्ण होता. मात्र चाहत्यांनी दिलेल्या भरघोस मतांनंतर मुनव्वर विजेता ठरला. हे तर फिक्स्ड होतं असं म्हणणाऱ्यांना आता मुनव्वरने उत्तर दिलं आहे.

मुनव्वर फारुकीला शोमध्ये त्याच्या अफेअर्समुळे बरंच काही ऐकून घ्यावं लागलं होतं. मुनव्वरने सगळे दावे खरे असल्याचं मान्य केलं. त्याने नॅशनल टेलिव्हिजनवर माफी मागत सर्वकाही स्वीकार केलं. त्याच्या या संघर्षात अनेक चढ उतार आले. अखेर त्याने बिग बॉसची ट्रॉफी मिळवलीच. बाहेर आल्यानंतर मुनव्वर प्रतिक्रिया देत म्हणाला,' सर्वांचे खूप-खूप आभार. तुमच्या प्रेम आणि पाठिंब्यामुळे ट्रॉफी अखेर डोंगरीमध्ये पोहोचली आहे.'

विजेता फिक्स्ड होता?

मुनव्वर फारुकीला विजेतेपदावरुन प्रश्न विचारण्यात आला की, हे फिक्स्ड होतं का? यावर तो म्हणाला, "यार, फिक्स्ड विनरला इतकं सगळं करावं लागलं असतं तर तो फिक्स्ड विनर कसा असता. जर मी फिक्स्ड विजेता असतो तर मला सगळं आयतंच मिळालं असतं. पूर्ण सीझनमध्ये तुम्ही पाहिलंत की माझ्याकडे काहीच नव्हतं. मी मेहनत केली आणि हा खेळ जिंकलो."

तो पुढे म्हणाला, "जे लोक मला फिक्स्ड विनर बोलत आहेत त्यांना एकच सांगणं आहे की तुम्ही बसून पूर्ण सीझन पाहा आणि मग ठरवा. मला वाटतं हे माझ्या चाहत्यांचं प्रेम आहे आणि जे लोक मला फिक्स्ड विनर म्हणत आहेत त्यांचं मत मी बदलू शकत नाही."