'माझी तुझी रेशीमगाठ'मधील नेहानं शेअर केला रिअल लाइफमधील बहिणीसोबतचा व्हिडीओ

अभिनेत्री म्हणजे प्रार्थना बेहरे (Prarthana behere) सध्या 'माझी तुझी रेशीमगाठ' या मालिकेच्या माध्यमातून दररोज प्रेक्षकांच्या भेटीला येत आहे.

मराठी सिनेइंडस्ट्रीत आपल्या अभिनय कौशल्याने अभिनेत्री म्हणजे प्रार्थना बेहरे (Prarthana behere) प्रेक्षकांच्या मनावर अधिराज्य गाजवत आहे. सध्या ती 'माझी तुझी रेशीमगाठ' या मालिकेच्या माध्यमातून दररोज प्रेक्षकांच्या भेटीला येत आहे. त्याचसोबत ती सोशल मीडियावरही सक्रीय असून चाहत्यांच्या संपर्कात असते. बऱ्याचदा तिचे सोशल मीडियावरील पोस्ट चर्चेत येत असतात. दरम्यान आता तिने बहिणीसोबतचा व्हिडीओ शेअर केला आहे. तिचा हा व्हिडीओ व्हायरल होताना दिसत आहे.

प्रार्थना बेहरेने इंस्टाग्रामवर एक व्हिडीओ शेअर केला आहे. या व्हिडीओमध्ये प्रार्थनासोबत तिची सख्खी बहीण पाहायला मिळत आहे. तिने हा व्हिडीओ शेअर करत म्हटलं की, तूच माझ्यासाठी जग आहेस. नितळ आनंद. मिस यू गायत्री वंशील. या व्हिडीओत त्या दोघी धमालमस्ती करताना दिसत आहेत. 

View this post on Instagram

A post shared by Prarthana 💜 (@prarthana.behere)

प्रार्थनाच्या बहिणीचं नाव गायत्री असून ती तिची मोठी बहीण आहे. विशेष म्हणजे या दोघी सख्ख्या बहिणी आहेत. मात्र, त्या एकमेकींपासून बऱ्याच वेगळ्या दिसतात. इतकंच नाही तर गायत्री प्रचंड साधी असल्याचे पाहायला मिळते आहे. या व्हिडीओत प्रार्थना आणि गायत्रीमधील छान बॉण्डिंग पाहायला मिळत आहे. 

प्रार्थना बेहरेने आपल्या कारकीर्दीची सुरुवात छोट्या पडद्यावरुन म्हणजेच 'पवित्र रिश्ता' या मालिकेतून केली.'जय महाराष्ट्र ढाबा भटिंडा' या मराठी चित्रपटात एंट्री मारत रसिकांची मनं जिंकली.कॉफी आणि बरंच काही, मिस्टर एंड मिसेस सदाचारी, मितवा, मस्का अशा विविध मराठी चित्रपटात काम केले आहे. सध्या ती माझी तुझी रेशीमगाठ मालिकेत पाहायला मिळत आहे. तसेच ती छुमंतर या मराठी सिनेमातही झळकणार आहे.