​नच बलियेमध्ये झळकणार दिव्यांका त्रिपाठी आणि विवेक दहिया?

नच बलियेचे आतापर्यंत आठ सिझन झाले आहेत. या प्रत्येक सिझनला प्रेक्षकांचा खूप चांगला प्रतिसाद मिळतो. नच बलियेच्या सिझनची घोषणा ...

न�

�� बलियेचे आतापर्यंत आठ सिझन झाले आहेत. या प्रत्येक सिझनला प्रेक्षकांचा खूप चांगला प्रतिसाद मिळतो. नच बलियेच्या सिझनची घोषणा झाली की, या सिझनमध्ये कोणकोणते कपल्स दिसणार याची उत्सुकता प्रेक्षकांना लागलेली असते. प्रत्येक सिझनमध्ये सगळेच सेलिब्रेटी आपापल्या कपल्ससोबत अतिशय सुंदर नृत्य करताना आपल्याला पाहायला मिळतात. अमृता खानविलकर आणि हिमांशू मल्होत्रा नच बलियेच्या गेल्या सिझनचे विजेते ठरले होते आणि आता नवा सिझन लवकरच प्रेक्षकांच्या भेटीस येणार आहे.
नच बलिये 9 मध्ये कोणकोणते सेलिब्रेटी हजेरी लावणार याची सध्या जोरदार चर्चा सुरू आहे. छोट्या पडद्यावरील अनेक प्रसिद्ध कलाकारा यावेळी कार्यक्रमाचा भाग असल्याचे म्हटले जात आहे. कॉमेडी क्वीन भारती सिंग आणि तिचा प्रियकर हर्ष, दिव्यांका त्रिपाठी आणि विवेक दहीया, सुयश राय आणि किश्वर मर्चंट, किथ सिक्वेरा आणि रोचेल रॉय या सिझनमध्ये झळकणार असल्याची सध्या जोरदार चर्चा आहे. दिव्यांका त्रिपाठी आणि विवेक दहीया तसेच सुयश राय आणि किश्वर मर्चंट यांचे नुकतेच लग्न झाले आहे. या दोन्ही जोड्या लोकांमध्ये खूप प्रसिद्ध असल्याने यांचा विचार करण्यात आलेला आहे.
किथ सिक्वेरा आणि रोचेला कार्यक्रमासाठी विचारण्यात आले असले तरी त्यांनी याबाबत कोणताच निर्णय घेतला नसल्याचे किथचे म्हणणे आहे. किथ सांगतो, "मला आणि रोचेलला नच बलियेमध्ये सहभागी होण्यासाठी विचारण्यात आले आहे. पण सध्या आम्ही कोणताही निर्णय घेतलेला नाही. मी एका कार्यक्रमाचे चित्रीकरण करत असल्याने तारखा जुळवणे माझ्यासाठी खूप कठीण जात आहे. त्यामुळे अद्याप आम्ही काहीही ठरवलेले नाही." 
ये रिश्ता क्या कहलाता है या कार्यक्रमामुळे नावारूपाला आलेला अभिनेता रोहन मेहरा आणि त्याची प्रेयसी कांची सिंगदेखील नच बलियेमध्ये झळकणार असल्याचे म्हटले जात आहे. त्याचप्रमाणे निकितन धीर-क्रितीका सेनगर, दीपिका कक्कर-शोएब इब्राहिम, आरजे प्रितम सिंग-अमनजोत सिंग यांच्या नावाचीदेखील सध्या चांगलीच चर्चा आहे.