"निक्की भाभी" म्हणताच लाजली 'बिग बॉस' फेम अभिनेत्री, अरबाजसोबतचा 'तो' व्हिडिओ होतोय व्हायरल

'बिग बॉस' संपल्यानंतरही निक्की आणि अरबाजला अनेक ठिकाणी एकत्र स्पॉट करण्यात आलं होतं. याचे काही व्हिडिओही समोर आले होते. आता पुन्हा निक्की आणि अरबाज एकत्र दिसले आहेत.

यंदाचा 'बिग बॉस मराठी'चा पाचवा सीझन अनेक कारणांमुळे चर्चेत राहिला. 'बिग बॉस'च्या घरात निक्की तांबोळी आणि अरबाज पटेलची जोडी जमली. घरात त्यांची घट्टी मैत्री झाल्याचं पाहायला मिळालं होतं. 'बिग बॉस' संपल्यानंतरही निक्की आणि अरबाजला अनेक ठिकाणी एकत्र स्पॉट करण्यात आलं होतं. याचे काही व्हिडिओही समोर आले होते. आता पुन्हा निक्की आणि अरबाज एकत्र दिसले आहेत. 

निक्की-अरबाजचा एक व्हिडिओ वरिंदर चावला या पापाराझी अकाऊंटवरुन शेअर करण्यात आला आहे. या व्हिडिओत निक्की आणि अरबाज पापाराझींसमोर फोटोसाठी पोझ देताना दिसत आहेत. यावेळी एक पापाराझी निक्कीला "निक्की भाभी कैसी हो" असं  विचारत आहे. ते ऐकताच निक्की लाजत असल्याचं व्हिडिओत पाहायला मिळत आहे. निक्कीबरोबरच अरबाजलाही हसू आल्याचं दिसत आहे. निक्की-अरबाजचा हा व्हिडिओ सोशल मीडियावर व्हायरल झाला आहे. या व्हिडिओवर नेटकऱ्यांनी कमेंटही केल्या आहेत. 

'बिग बॉस'च्या घरात निक्की आणि अरबाजची पहिल्या दिवशीच मैत्री झाली होती. टास्कदरम्यानही ते दोघेही एकमेकांना सपोर्ट करताना दिसून आले. अनेकदा निक्की आणि अरबाजमध्ये टोकाचे वाद झाले. पण, तरीही त्यांनी एकमेकांची साथ सोडली नाही. 'बिग बॉस'च्या घरात अरबाजला टॉप ६मध्ये स्थान मिळवता आलं नाही. तर निक्कीला तिसऱ्या स्थानावर समाधान मानावं लागलं होतं.