या मालिकेत निरंजन आणि जोगिंदर सिंग या बालमित्रांची होणार भेट

निरंजनच्या कुटुंबियांकडून मिळालेले प्रेम पाहून आपण आयुष्यभर ज्या गोष्टीची वाट पाहत होतो, ते आपल्याला मिळाले, असे जोगिंदरला वाटू लागते.

'नमूने' ही सोनी सब वाहिनीवरील नवी मालिका, पू. ल. देशपांडे या महाराष्ट्राच्या लाडक्या लेखकांच्या कथांमधला विनोद दर विकेण्डला प्रेक्षकांसमोर सादर होत आहे  आणि या माध्यमातून प्रेक्षकांच्या चेहऱ्यावर हसू आणण्यात ही मालिका यशस्वी ठरली आहे.या मालिकेतले प्रत्येक पात्र वेगळे आहे. आपल्या दररोजच्या आयुष्यात आपल्याला भेटणाऱ्या माणसांचेच ते प्रतिबिंब आहे. येत्या काही विकेण्ड्सना, जोगिंदर सिंग (सुशांत सिंग) हे पात्र या मालिकेत आलेले आपण पाहणार आहोत. अत्यंत निर्मळ मनाचा हा जोगिंदर, निरंजन अग्नीहोत्रीचा (कुणाल कुमार) बालमित्र असतो.

पु. ल. देशपांडे यांच्या कथेनुसार, जोगिंदरने 'बबडू' हे आपले खास व्यक्तिमत्व हुबेहुब आत्मसात केले आहे.एका खून प्रकरणात जोगिंदर सिंग फोगट याला पोलिस शोधत आहेत. जोगिंदर मात्र लपण्यासाठी निरंजनच्या घराचा आसरा घेतो आहे. जोगिंदर हा आपल्या बालपणीचा मित्र असून त्याच्यासोबत आपल्या बालपणीच्या असंख्य आठवणी जोडलेल्या आहेत हे निरंजनला जाणवते. या दोघांच्या लहानपणीची भांडणे, आठवणी आठवून निरंजनचे कुटुंबीयही जोगिंदरला आपलेसे करून घेतात. निरंजनच्या कुटुंबियांकडून मिळालेले प्रेम पाहून आपण आयुष्यभर ज्या गोष्टीची वाट पाहत होतो, ते आपल्याला मिळाले, असे जोगिंदरला वाटू लागते.

जोगिंदर सिंग खरोखर खुनी आहे का? निरंजनच्या घरी जोगिंदरला अटक करण्यासाठी पोलिस आल्यानंतर, निरंजनची प्रतिक्रिया काय असेल? जोगिंदर सिंग हे पात्र साकारणारा सुशांत सिंग म्हणाला, “लक्षवेधी लेखक पु. ल. देशपांडे यांच्या कथांवर आधारित असलेल्या नमूने या मालिकेत मला ही भूमिका मिळाली, हा माझा बहुमान आहे. कुख्यात पण मनाने चांगल्या असलेल्या गुंडाची भूमिका ही नक्कीच आकर्षक ठरणार आहे. या मालिकेच्या टीमसोबत चित्रीकरण करताना मला फार आनंद झाला आणि प्रेक्षकांच्या मनावर या मालिकेचा नक्कीच सकारात्मक परिणाम होईल, अशी मला खात्री आहे.’’