OMG! 'तारक मेहता का उल्टा चष्मा'मधील बबिता ९ वर्षे लहान अभिनेत्याला करतेय डेट?

मुनमुन दत्ता म्हणजेच बबिता एका व्यक्तीला डेट करत असल्याची चर्चा सध्या सगळीकडे रंगली आहे.

छोट्या पडद्यावरील लोकप्रिय मालिका 'तारक मेहता का उल्टा चष्मा' घरातील लहानांपासून मोठ्यांपर्यंत सर्वांचीच आवडती आहे. गेल्या १३ वर्षांपासून ही मालिका प्रेक्षकांचे अविरत मनोरंजन करत आहे. या मालिकेतील सर्वच पात्रांनी प्रेक्षकांच्या मनात घर केले आहे. त्यामुळे चाहत्यांना त्यांच्याबद्दल जाणून घेण्यासाठी उत्सुक असतात.

'तारक मेहता का उल्टा चष्मा' मालिकेतील बबिता म्हणजेच अभिनेत्री मुनमुन दत्ता संदर्भात एक माहिती समोर येत आहे. एका वेबसाइटच्या रिपोर्टनुसार, मुनमुन दत्ता म्हणजेच बबिता एका व्यक्तीला डेट करत आहे. ही व्यक्ती म्हणजे राज अनादकत आहे.

दोघेही आजकाल एकमेकांच्या प्रेमात आहेत. बऱ्याच काळापासून, राज आणि मुनमुन दत्ताच्या इन्स्टाग्राम पोस्ट आणि कमेंट याकडे सूचित करत होत्या. सोशल मीडिया नेटकऱ्यांना अनेकदा मुनमुनच्या फोटोंवर राज यांच्या प्रतिक्रिया दिसल्या आहेत. आता हे स्पष्ट झाले आहे की दोघांमध्ये चांगल्या मित्रांपेक्षा जास्त जवळचे नाते आहे.

'तारक मेहता का उल्टा चष्मा' मालिकेतील प्रत्येक सदस्याला दोघांमध्ये काय चालले आहे याची जाणीव आहे. या प्रकरणाशी संबंधित सूत्राने सांगितले की, 'मुनमुन दत्ता आणि राज अनादकट यांच्या कुटुंबीयांनाही सर्वकाही माहीत आहे, कोणीही अंधारात नाही.'

तारक मेहता का उल्टा चष्मा मालिकेत बबिताच्या भूमिकेतून अभिनेत्री मुनमुन दत्ता घराघरात लोकप्रिय झाली आहे. मुनमुन दत्ताचे नाव दिलीप जोशीने निर्मात्यांना सुचविले होते. त्यानंतर निर्मात्यांनी मुनमुनची बबिताच्या रोलसाठी निवड केली. बबिता आणि जेठालालमधील रोमांस प्रेक्षकांना खूप भावतो. बबिताच्या भूमिकेमुळे मुनमुन दत्ताच्या फॅन फॉलोव्हिंग खूप वाढले आहे.