'महाराष्ट्राची हास्यजत्रा'ला ओंकार भोजनेनं ठोकला रामराम!, मोठं कारण आलं समोर

Maharashtrachi Hasyajatra Show : 'महाराष्ट्राची हास्यजत्रा'मधून विनोदवीर ओंकार भोजने (Onkar Bhojane) घराघरात पोहचला. मात्र आता तो या शोमधून एक्झिट घेणार आहे.

छोट्या पडद्यावरील लोकप्रिय कॉमेडी रिएलिटी शो 'महाराष्ट्राची हास्यजत्रा' (Maharashtrachi Hasyajatra Show) मधून विनोदवीर ओंकार भोजने  (Onkar Bhojane) घराघरात पोहचला. मात्र आता तो या शोमधून एक्झिट घेणार आहे. हे चाहत्यांना कळताच त्यांना धक्का बसला आहे. मात्र आता तो नव्या रुपात रसिकांच्या भेटीला येणार आहे. आता तो कुठे पाहायला मिळणार आहे, हे जाणून घेण्यासाठी उत्सुक असाल ना. तर तो झी मराठी वाहिनीवर सुरू होणाऱ्या ‘फू बाई फू’ या कार्यक्रमातून पुन्हा एकदा प्रेक्षकांना हसवायला सज्ज झाला आहे.

‘फू बाई फू’ या कार्यक्रमाचे अनेक सीझन प्रदर्शित झाले होते. आता तब्बल ९ वर्षांनंतर पुन्हा एकदा झी मराठीवर हा शो कमबॅक करत आहे. या कार्यक्रमात बरेच विनोदवीर दिसणार आहेत. या विनोदवीरांमध्ये ओंकार भोजनेचा समावेश आहे. त्यामुळे आता तो महाराष्ट्राची हास्यजत्रामध्ये पाहायला मिळणार आहे. ओंकारचे चाहते देखील त्याला ‘फू बाई फू’च्या नव्या पर्वात पाहण्यासाठी उत्सुक आहेत. 

View this post on Instagram

A post shared by Onkar Bhojane (@onkar_bhojane_)

ओंकार भोजनेने इंस्टाग्रामवर ‘फू बाई फू’चा प्रोमो शेअर केला आहे आणि लिहिले की, जिंकणार कोण माहित नाही पण हसणार सगळे. 'जिथे असाल तिथे हसाल' ‘फू बाई फू’ ३ नोव्हेंबरपासून. गुरूवार - शुक्रवार - शनिवारी रात्री ९.३० वाजता हा शो भेटीला येणार आहे.

ओंकार भोजनेने लोकप्रिय झालेल्या  'कॉमेडीची जीएसटी एक्सप्रेस', 'तुमच्यासाठी काही पण', ' एकदम कडक' आणि  'महाराष्ट्राची हास्यजत्रा' या कार्यक्रमामध्ये झळकला आहे. कॉमेडीचं अचूक टायमिंग आणि 'अगं अगं आई, बाबा ओरडू ओरडू, मला घाबरू घाबरू..' या ओंकारच्या संवादाने प्रेक्षकांना वेड लावले. तसेच तो लवकरच रुपेरी पडद्यावर झळकणार आहे. पहिल्यांदाच ओंकार मुख्य भूमिकेत झळकणार आहे.