स्टार प्रवाहवरील ही लोकप्रिय मालिका घेणार प्रेक्षकांचा निरोप! काही मालिकांची वेळही बदलली

विशाल निकमच्या येड लागलं प्रेमाचं या नव्या मालिकेमुळे स्टार प्रवाहवरील लोकप्रिय मालिका प्रेक्षकांचा निरोप घेणार आहे (star pravah)

स्टार प्रवाह चॅनल हे सध्या TRP  मध्ये  टॉपवर असलेलं चॅनल आहे. लॉकडाऊनच्या काळापासून स्टार प्रवाहने प्रेक्षकांचं मनोरंंजन करण्याची कंबर कसली आहे. विविध मालिकांच्या माध्यमातून स्टार प्रवाह ही महाराष्ट्राची नंबर वन वाहिनी झाली आहे. स्टार प्रवाहवर नवी मालिका भेटीला येणार आहे. त्यामुळे सध्या लोकप्रियतेच्या शिखरावर असलेली एक मालिका प्रेक्षकांचा निरोप घेणार आहे.

स्टार प्रवाहवरील 'पिंकीचा विजय असो' ही मालिका प्रेक्षकांचा निरोप घेणार आहे. 'पिंकीचा विजय असो' मालिका ऑफ एअर जाणार आहे. स्टार प्रवाहवर 'येड लागलं प्रेमाचं' ही नवी मालिका सुरु होणार आहे. ही मालिका रात्री १० वाजता प्रक्षेपित होणार आहे. त्यामुळे 'पिंकीचा विजय असो' मालिका कायमची बंद होणार आहे. तर दुसरीकडे 'सुख म्हणजे नक्की काय असतं' या मालिकेची वेळ बदलण्यात आली आहे.

'सुख म्हणजे नक्की काय असतं' मालिका यापुढे १० ऐवजी रात्री ११ वाजता स्टार प्रवाहववर पाहता येणार आहे. अशाप्रकारे नव्या मालिकेमुळे जुन्या मालिकांच्या वेळेत बदल होऊन एक मालिका ऑफ एअर जाणार आहे. 'येड लागलं प्रेमाचं' मालिकेत विशाल निकम आणि पूजा बिरारी यांची जोडी पाहायला मिळणार आहे. ही नवी मालिका २७ मे पासून सोमवार ते शनिवार रात्री १० वाजता स्टार प्रवाहवर बघायला मिळेल