पिया अलबेला या मालिकेत शीन दास आणि अक्षय म्हात्रे दिसणार नव्या लूकमध्ये

प�

��या अलबेला ही मालिका सुरू झाल्यापासूनच ही मालिका प्रेक्षकांनी डोक्यावर घेतली आहे. खूपच कमी वेळात या मालिकेतील नरेन आणि पूजा या व्यक्तिरेखा प्रेक्षकांना खूप आवडत आहेत. या मालिकेतील नरेनच्या भूमिकेत अक्षय म्हात्रेला तर पूजाच्या भूमिकेत प्रेक्षकांना शीना दासला पाहायला मिळत आहे. या मालिकेत आता काही वर्षांचा लीप घेतला जाणार असून या मालिकेच्या कथानकाला चांगलेच वळण मिळणार आहे. एवढेच नव्हे तर या मालिकेच्या व्यक्तिरेखांच्या लूकमध्ये प्रेक्षकांना खूप बदल पाहायला मिळणार आहे. लीपनंतर नरेन राजकारण्याच्याचा रूपात दिसणार आहे. त्यामुळे त्याचा लूक देखील खूप वेगळा असणार आहे. नरेश जास्त ग्लॅमरस आणि स्टायलिश रूपात प्रेक्षकांना पाहायला मिळणार आहे. तर लीप नंतर पूजा व्यास घरातून बाहेर पडेल आणि चंद्रिकाच्या हवेलीत जाईल. ती वेश्यांसोबत राहील आणि त्यांना इंग्रजी आणि गणितासारखे विषय शिकवेल. याव्यतिरिक्त, पूजा पूर्णपणे वेगळ्‌या रूपात दिसून येईल. ती साड्‌या आणि भारतीय पोशाखांमध्ये दिसेल. वेश्यांसोबत राहण्याचे तिचे खरे उद्दिष्ट्‌य हे आहे की तिला नरेन आणि त्याची खरी आई चंद्रिका यांच्यातील अंतर कमी करायचे आहे आणि त्यांना एकमेकांच्या जवळ आणायचे आहे. आपल्या लूक आणि व्यक्तिरेखेबद्दल शीन दास सांगते, “पिया अलबेलाची कथा आता एक रोचक वळण घेणार असून पूजाच्या व्यक्तिरेखेमध्ये भरपूर नाट्‌यमय बदल होतील. नरेनपासून वेगळी झाल्यानंतर ती आता नवीन जीवनशैलीचा स्वीकार करेल. झेपेनंतर पूजा नरेन आणि त्याची खरी आई चंद्रिकाला एकत्र आणण्याची जबाबदारी आपल्या खांद्यांवर घेईल. हा शो आणि याची रोचक कथा मला कायम चकित करत आली आहे आणि ह्या नवीन कथानकाबद्दल मी उत्साहात आहे. आशा आहे की प्रेक्षकांना माझी ही नवीन भूमिका आणि माझा हा नवीन लूक आवडेल.
नरेन आणि पूजाचे फॅन फॉलॉव्हिंग प्रचंड असल्याने त्यांचे हे नवे रूप प्रेक्षकांना आवडते का हे काहीच दिवसांत आपल्याला कळेल.

Also Read : पिया अलबेलामधील अक्षय म्हात्रेने शीन दासला शिकवली बंदूक चालवायला