Big Boss Marathi : 'अमृता, तू तर चिखलातलं...' प्रसाद ओकने केली पुण्याच्या टॉकरवडीवर लक्षवेधी कमेंट

घरातून बाहेर पडल्यानंतर अमृताच्या इंन्स्टाग्राम लाईव्ह मध्ये अभिनेता प्रसाद ओक याने एक लक्षवेधी कमेंट केली आहे.

Big Boss Marathi :  'बिग बॉस मराठी' (Big Boss Marathi) सध्या रंजक वळणावर आहे. स्पर्धेतील रंजकता दिवसेंदिवस वाढत चालली आहे. आता टॉप ५ स्पर्धकांसाठी ३ आठवडे शिल्लक आहेत. त्यात रविवारच्या आठवड्यात पुण्याची टॉकरवडी म्हणून प्रसिद्ध असलेली अभिनेत्री अमृता देशमुख (Amruta Deshmukh) हिचा बिग बॉसच्या घरातील प्रवास संपला. अभिनेत्री अमृता देशमुख हिने इन्स्टाग्रामवर थोडक्यात All is Not Well म्हणत भावूक पोस्ट शेअर केली. दरम्यान बाहेर पडल्यानंतर अमृताच्या इंन्स्टाग्राम लाईव्ह मध्ये अभिनेता प्रसाद ओक याने एक लक्षवेधी कमेंट केली आहे.

पुण्याची टॉकरवडी अमृता देशमुखला हे एलिमिनेशन अजिबात पटलेले नाही. त्याबद्दल तिने जाहीरपणे नाराजीही बोलून दाखवली. घरातून बाहेर आल्यानंतर अमृता इन्स्टाग्रामवर लाईव्ह आली होती. चाहत्यांशी गप्पा मारत असताना मध्येच अभिनेता प्रसाद ओकने एक लक्षवेधी कमेंट केली. तो चक्क अमृताला 'तू चिखलातलं कमळ होतीस' असं म्हणाला. प्रसाद ओकच्या या कमेंटवर अमृताने आभार मानले. याचा अर्थ प्रेक्षकच नाही तर अभिनेता प्रसाद ओकलाही (Prasad Oak) अमृताचा खेळ आवडत होता. त्यामुळेच तिचे एलिमिनेट होणे अनेकांना रुचलेले नाही.

बिग बॉस मधून बाहेर आल्यानंतर अमृताने लिहिली पोस्ट

अमृता देशमुख हिने पोस्टमध्ये म्हटलंय की, Bigg Boss मराठीच्या ह्या टप्प्यावर बाहेर पडलेय ह्या दु:खातून मी अजून बाहेर पडले नाहीये. थोडक्यात All is Not Well, काय चूक, काय बरोबर, कोण Fair, कोण Unfair हे Analysis तेव्हाही सुरू होतं आणि आत्ताही सुरू आहे. पण तुमच्या प्रेमामुळे आतमध्ये असताना मला ऊर्जा मिळत होती आणि त्याच गोष्टीमुळे आतासुद्धा मिळतेय. So Shower Some more positivity in the comment Section म्हणत तिने चाहत्यांना काहीतरी सकारात्मक कमेंट करावी जेणेकरून सगळं वाटेल All is Well हे लिहून तिने धन्यवाद दिले आहेत. 

दरम्यान, प्रसाद ओक च्या कमेंटने घरातल्यांचा उल्लेख चिखल असा केला आहे. यावर आता घरातले काय प्रतिक्रिया देतात हे बघणे महत्वाचे आहे.