'पुष्‍पा इम्‍पॉसिबल'मध्‍ये येणार धक्कादायक वळण,चाहत्यांनाही बसणार धक्का

चिराग सर्वकाही सुरळीत करतो आणि बपुद्राची माफी मागत त्‍याच्‍या मित्राच्‍या मदतीला धावून येतो. निवासी बपुद्राला मन बदलण्‍याची विनंती करतात, पण तो अल्‍टीमेटम देतो की पांडेला किंवा पुष्‍पा व तिच्‍या मुलांना राहते घर सोडून जावे लागेल. पुष्‍पाही घर सोडून जाण्‍याचे ठरवते.

जीवनाप्रती अत्‍यंत वैशिष्‍ट्यपूर्ण व आशावादी दृष्टीकोन असलेली उत्‍साही व स्‍वावलंबी पुष्‍पा पटेलने अल्पावधीतच रसिकांची पसंती मिळवली. पुष्पा इम्पॉसिबल आता घराघरात लोकप्रिय मालिका बनली आहे.'पुष्‍पा इम्‍पॉसिबल' प्रत्‍येक दिवस रंजक असल्यामुळे चाहतेही मालिका पाहणं पसंत करु लागले आहे.नुकतेच मालिकेमध्‍ये सुरू असलेल्‍या गोष्‍टी म्‍हणजे चिराग (दर्शन गुर्जर) पांडेच्‍या स्‍टोअरमधून बपुद्राचे शर्टस् चोरताना पकडला जातो तेव्‍हा पुष्‍पा त्‍याच्‍या पाठीशी खंबीरपणे उभी राहिल्‍यामुळे बपुद्रा पुष्‍पाचे चारित्र्य आणि पालकत्‍वाबाबत प्रश्‍न निर्माण करत तिचा अपमान करतो, ज्‍यासाठी त्‍याला तिची माफी मागावी लागते. यामुळे राधा काकू बपुद्राच्‍या कानाखाली मारते आणि त्‍याला चाळीच्‍या नोटिस बोर्डवर पुष्‍पाची माफी मागणारे पत्र लिहिण्‍यास सांगते. इच्‍छा नसताना देखील बपुद्राला तसे करावे लागते. त्‍यानंतर रागावलेला बपुद्रा पांडेचे दुकान बंद करण्‍याचे ठरवतो, पण चिराग सर्वकाही सुरळीत करतो आणि बपुद्राची माफी मागत त्‍याच्‍या मित्राच्‍या मदतीला धावून येतो. निवासी बपुद्राला मन बदलण्‍याची विनंती करतात, पण तो अल्‍टीमेटम देतो की पांडेला किंवा पुष्‍पा व तिच्‍या मुलांना राहते घर सोडून जावे लागेल. पुष्‍पाही घर सोडून जाण्‍याचे ठरवते. 

पुष्‍पाला बपुद्राकडून दोन नोटिस मिळतात. पहिल्‍या नोटिसमध्‍ये तिला घर खाली करण्‍याचा आदेश दिलेला असतो आणि दुस-या नोटिसमध्‍ये तिच्‍यावर बेकायदेशीरपणे व्‍यवसाय चालवण्‍याचा आरोप केलेला असतो. बपुद्रा खोटेपणाने वागतो, तो दावा करतो की पुष्‍पा तिच्‍या घरी टिफिन सेवा चालवते हे त्‍याला माहितच नाही आणि त्‍याच्‍या संमतीशिवाय ती असे करत होती. हे कारण ऐकून पटेल कुटुंबाला धक्‍का बसतो, कारण सुशिला घरी नसताना बपुद्रा पुष्‍पाकडून टिफिन घ्‍यायचा. चिराग प्रॉपर्टीची कागदपत्रे परत मिळवण्‍याचे ठरवतो, ज्यात स्पष्‍टपणे असे नमूद केले आहे की पुष्पाने दोन खोल्या भाड्याने घेतल्या होत्या, त्यापैकी एक तिचे निवासस्थान होते आणि दुसरे तिच्या व्यवसायासाठी विशेषतः नियुक्‍त केले होते. चिरागला पेपरवर्क सापडेल का आणि त्‍याच्‍या कुटुंबियांना बेघर होण्‍यापासून वाचवेल का? पुष्‍पा या नवीन संकटावर कशाप्रकारे मात करेल? या सगळ्या घडामोडी आगामी भागात पाहणं रंजक ठरणार आहे.

पुष्‍पाची भूमिका साकारणारी करूणा पांडे म्‍हणाली, ''पुष्‍पा नवीन संकटाचा सामना करत आहे, पण नेहमीप्रमाणे तिने त्‍या संकटाचा सामना करण्‍यासोबत त्‍याचे निराकरण करण्‍याचा निर्धार केला आहे. बपुद्राच्‍या अल्टिमेटमने सर्वांना धक्‍का दिला आहे आणि पुष्‍पाला असे तिच्‍या बाबतीत घडेल असे वाटले नव्‍हते. अनेक संकटे तिच्‍या मार्गात असताना तिला तिचे घर खाली करण्‍याच्‍या आणखी एका संकटाचा सामना करावा लागला आहे. पुष्‍पाने या घराला स्‍वत:चे घर बनवण्‍यामध्‍ये रक्‍ताचे पाणी केले आहे आणि त्‍यामध्‍ये मेहनतीने कमावलेला सर्व पैसा गुंतवला आहे. ती कोणीही तिच्‍या चारित्र्यावर खोटं आरोप केल्‍याचे सहन करू शकत नाही. आगामी एपिसोड्स निश्चितच अनेक भावना व ट्विस्‍ट्सनी भरलेले आहेत.''