'रंग माझा वेगळा'मधील दीपावर 'पुष्पा' फिव्हर!, व्हिडीओत मजेशीर अंदाजात दिसली अभिनेत्री

'रंग माझा वेगळा' (Rang Maza Vegla) मालिकेतील दीपाच्या (Reshma Shinde) इंस्टाग्रामवरील लेटेस्ट व्हिडीओला खूप पसंती मिळते आहे.

साउथचा स्टार अभिनेता अल्लू अर्जुनचा (Allu Arjun) गेल्या महिन्यात पुष्पा (Pushpa Movie) हा चित्रपट रिलीज झाला. या चित्रपटाने बॉक्स ऑफिसवर दमदार कमाई केली. इतकेच नाही तर या चित्रपटातील डायलॉग, गाण्यांनी तर रसिकांना चांगलीच भुरळ पाडली. याचा बोलबोला सोशल मीडियावर दररोज पाहायला मिळतो आहे. अनेकांवर अद्याप पुष्पा फिव्हर दिसतो आहे. दरम्यान रंग माझा वेगळा (Rang Maza Vegla) या मालिकेतून दीपाच्या भूमिकेतून अभिनेत्री रेश्मा शिंदे  (Reshma Shinde) घराघरात पोहचली. तिच्यावरदेखील पुष्पा फिव्हर पाहायला मिळाला.

अभिनेत्री रेश्मा शिंदे सोशल मीडियावर खूप एक्टिव्ह आहे आणि या माध्यमातून रसिकांच्या संपर्कात असते. तसेच या माध्यमातून आपल्या चाहत्यांना अपडेट देत असते. दरम्यान तिने तिचा एक व्हिडीओ इंस्टाग्रामवर शेअर केला आहे. यात ती निळ्या रंगाच्या साडीत दिसते आहे. यात ती पुष्पाच्या अंदाजात डायलॉग बोलताना दिसते आहे. तिचा व्हिडीओतील मजेशीर अंदाज चाहत्यांना खूप भावतो आहे. तिच्या या व्हिडीओवर लाइक्स आणि कमेंट्सचा वर्षाव होताना दिसतो आहे.

View this post on Instagram

A post shared by Reshma Shinde (@reshmashinde02)

रंग माझा वेगळा मालिका उत्कंठावर्धक वळणावर आली आहे. नुकत्याच प्रसारीत झालेल्या भागात पाहायला मिळाले की, आयशा आणि श्वेताचा प्लान फ्लॉप ठरतो. आयशा कार्तिक आणि दीपिकाला घेऊन कायमची युएसला जाणार होती. मात्र आयशाने दीपाला कोंडून ठेवल्यानंतर आणि सौंदर्याला या दोघींचा प्लान कळल्यानंतर ते एअरपोर्टला जातात. तिथे कार्तिकला जाण्यापासून रोखतात. तसेच दीपिका आणि कार्तिकीच्या मैत्रीत आलेला दुरावादेखील दूर होतो. त्यामुळे कार्तिक आता आयशाला माफ करेल का, हे पाहणे कमालीचे ठरणार आहे.