राघव जुयालने केला प्रपोज,काजोलची अशी होती रिअॅक्शन!

या कार्यक्रमात जगभरातील गुणी गायक आणि संगीतकार लोकप्रिय भारतीय गाणी गातील.पण ती गाणी ते स्वत:च्या वैशिष्ट्यपूर्ण शैलीत गातात.

राघव झालाय तिच्यावर फिदा..अर्थात ती दुसरी तिसरी कोणीही नसून काजोलच राघवचं आधीपासून फर्स्ट क्रश आहे, असे आम्ही नाही तर खुद्द राघवनेच हे जाहिररीत्या कबुल केले आहे. नुकतेच काजोल 'दिल है हिंदुस्तानी 2'च्या सेटवर आली होती त्यावेळी समोर काजोलला पाहताच राघवने या गोष्टीचा उलगडा केला. तो काजोलचा जबरदस्त चाहता असून त्याने तिचा 'कुछ कुछ होता है' हा सिनेमा अनेक वेळा पाहिला आहे. या यावेळी राघवनेही शाहरूख खानसारखे कपडेही घातले होते. शाहरूख खान आणि काजोल ही हिंदी सिनेमांतील सर्वात लाडकी जोडी मानली जाते.त्यामुळे अगदी शाहरूख स्टाइलने यावेळी राघव काजोलचा एंटरटेन करताना दिसला.

राघवने आपल्या खास स्टाइलने सा-या रसिकांची मनं जिंकली होती. ‘दिल है हिंदुस्तानी-2’ कार्यक्रमातही राघवनेचं सा-यांपेक्षा जास्त एंटरटेनिंग ठरतोय.त्याचा  हटके लूक आणि तरुणाईलाही  त्याची स्टाईल स्टेटमेंट खूप आवडत आहे.यातच काजोललाही राघवचा अंदाज आवडला असल्याचे सांगताच राघवची अवस्था आज मै ऊपर आसमाँ निचे अशीच झाली असणार.

यासंदर्भात राघव म्हणाला, “लहानपणापासूनच काजोल हीच माझी सर्वात आवडती नायिका असून मी तिचा एकही चित्रपट पाहण्याचं चुकविला नाही. ती ‘दिल है हिंदुस्तानी-2’मध्ये सहभागी होत असल्याचं मला समजताच मी फार खुश झालो होतो. ती इथे आल्यापासून मी तिच्यावर माझा प्रभाव टाकण्याचा प्रयत्न करीत होतो. त्यासाठी मी शाहरूखसरांचं जॅकेट आणि टोपीही घातली होती! शेवटी मला तिच्याबरोबर गेरुआ या गाण्यावर नृत्य करता आलं, याचा मला मनापासून आनंद झाला आहे.”

‘दिल है हिंदुस्तानी-2’ हा भारतीय संगीताच्या प्रेमामुळे देशांच्या सरहद्दी पुसून टाकणारा आणि हिंदुस्तानी संगीतावर प्रेम करणा-या जगभरातील संगीतप्रेमींना एकत्र आणणारा रिअ‍ॅलिटी कार्यक्रम आहे. भारतीय संगीताचा प्रभाव अधोरेखित करणारा आणि जगभरातील स्पर्धकांकडून लोकप्रिय भारतीय संगीताला नवा आयाम देणा-या या कार्यक्रमात जगभरातील हिंदुस्तानींचं एक संमेलनच भरलेलं असतं. या कार्यक्रमात जगभरातील गुणी गायक आणि संगीतकार लोकप्रिय भारतीय गाणी गातील. पण ती गाणी ते स्वत:च्या वैशिष्ट्यपूर्ण शैलीत गातात.