'रंग माझा वेगळा'मधील अश्विनी सध्या करतेय या मालिकेत काम, जाणून घ्या याबद्दल

'रंग माझा वेगळा' या मालिकेत गेल्या बऱ्याच दिवसापासून अश्विनी पाहायला मिळाली नाही. अश्विनीची भूमिका अभिनेत्री वैशाली राहुल भोसलेने साकारली होती. आता ती एका वेगळ्या मालिकेत काम करताना दिसते आहे.

स्टार प्रवाह (Star Pravah) वाहिनीवरील लोकप्रिय मालिका 'रंग माझा वेगळा' (Rang Maza Vegla)ने कमी कालावधीत प्रेक्षकांच्या मनात घर केले. या मालिकेत गेल्या बऱ्याच दिवसापासून अश्विनी दिसत नाही. मालिकेत ती नवऱ्याला भेटण्यासाठी दुबईला जाते. त्यानंतर ती मालिकेत पाहायला मिळाली नाही. अश्विनीची भूमिका अभिनेत्री वैशाली राहुल भोसले हिने साकारली होती. आता ती एका वेगळ्या मालिकेत काम करताना दिसते आहे. झी मराठी वाहिनीवरील 'मन झालं बाजिंद' (Man Jhala Bajind) या मालिकेत ती सध्या काम करते आहे.

अभिनेत्री वैशाली भोसले सध्या झी मराठी वाहिनीवरील मन झालं बाजिंद या मालिकेत काम करते आहे. या मालिकेत ती आयोजक अपूर्वा ढगेची भूमिका साकारते आहे. या मालिकेत तिची भूमिका छोटीशी असली तरी महत्त्वाची आहे. या मालिकेतील तिचे काम पाहण्यासाठी तिचे चाहते खूप उत्सुक आहेत.

वैशाली भोसले हिने रंग माझा वेगळा आणि मन झालं बाजिंद या मालिकेच्या आधी बऱ्याच मालिकेत काम केले आहे. तिने मालिका व नाटक अशा दोन्ही माध्यमात आपल्या अभिनयाचा ठसा उमटविला आहे. वैशालीने तिच्या कारकीर्दीची सुरूवात मालिकेतून केली. ब्रह्मांडनायक, लक्ष्य, बंध रेशमाचे, तू माझा सांगाती, चंद्र आहे साक्षीला या मालिकेत तिने काम केले आहे. झी मराठी वाहिनीवरील महाराष्ट्राचा सुपरस्टारमध्ये ती झळकली आहे. याशिवाय वैशालीने मिलिंद शिंदे लिखित दिग्दर्शित नाच तुझंच लगिन हाय या चित्रपटात काम केले. रमेश मोरे लिखित आणि दिग्दर्शित टॉपर सीरिजमध्येही ती पाहायला मिळाली.