अभिनेत्री रसिका सुनील पुन्हा लग्नबंधनात अडकणार? म्हणाली, "युएस वरुन नवरा..."

'माझ्या नवऱ्याची बायको' फेम रसिका सुनीलच्या लग्नाचं नक्की प्रकरण काय

लोकप्रिय मालिका 'माझ्या नवऱ्याची बायको' मालिकेतून शनायाची भूमिका साकारणारी अभिनेत्री रसिका सुनील (Rasika Sunil) सर्वांचीच लाडकी बनली. तिला रसिका नाही तर शनाया नावानेच लोक ओळखू लागले. काहीशी खलनायिका भूमिका असली तरी प्रेक्षकांना तिचा वेडेपणा, साधेपणा भावला. अल्पावधीतच रसिका मराठी मनोरंजनसृष्टीत आघाडीची अभिनेत्री म्हणून पुढे आली. लोकप्रियतेच्या शिखरावर असतानाच रसिकाने 2021 मध्ये लग्न करत सर्वांना धक्का दिला. डान्सर आदित्य बिलागीसह (Aditya Bilagi) तिने लग्नगाठ बांधली. मग आता रसिका पुन्हा लग्न करतीए अशा चर्चा सुरु झाल्या आहेत. नक्की प्रकरण काय आहे जाणून घेऊया.

रसिका आणि आदित्य बिलागी २०२१ मध्ये लग्नबंधनात अडकले. २०१८ मध्ये त्यांची भेट लॉस एंजिलिस येथे भेट झाली होती. बरेच वर्ष ते लॉंग डिस्टन्स रिलेशनशिपमध्ये होते. २०२१ मध्ये त्यांनी गोव्यात डेस्टिनेशन वेडिंग केले.  आदित्य हा अमेरिकेतच असून रसिका कधी अमेरिका तर कधी भारतात असते. पण आता ती पुन्हा लग्न करतेय अशी चर्चा सुरु आहे त्यामागे कारण आहे तिचं नवीन नाटक. होय रसिका रंगभूमीवर परतली आहे. 'डाएट लग्न' असं तिच्या नाटकाचं भन्नाट नाव आहे. नाटकात काम करायला रसिका खूपच उत्सुक असून तिचा नवरा आदित्यही खास नाटक बघण्यासाठी अमेरिकहून येणार आहे अशी माहिती रसिकाने 'लोकमत फिल्मी'ला दिली.

'डाएट लग्न' नाटकातून रसिका आणि अभिनेता सिद्धार्थ बोडके पहिल्यांदाच एकत्र काम करणार आहेत. विजय केंकरे यांनी हे नाटक दिग्दर्शित केलं असून हे त्यांचं १०१ वं नाटक आहे. ९ जून पासून नाटक रंगभूमीवर दाखल होतंय. पहिला प्रयोग दादरच्या शिवाजी मंदिरला होणार आहे.