रिअॅलिटी शोमुळे रिक्षा चालकाच्या मुलाचे पालटले नशीब, आज आहे लोकप्रिय अभिनेता

ग्लॅमर इंडस्ट्रीत आजही असे काही मोजके कलाकार आहेत जे बरंच यश मिळूनही त्यांचे पाय जमिनीवरच आहेत.

थोडं यश मिळालं की कलाकार हुरळून जातात. आपण काही तरी खूप मोठं केलं आहे, स्टार झालो आहोत अशी भावना त्यांच्यात वाढू लागते. अवघ्या काही दिवसांत स्टारडम आल्यानं आपल्यापुढे इतर व्यक्ती कुणीच नाही असं त्यांना वाटू लागते. मात्र ग्लॅमर इंडस्ट्रीत आजही असे काही मोजके कलाकार आहेत जे बरंच यश मिळूनही त्यांचे पाय जमिनीवरच आहेत. आपल्या मातीशी, आपल्या माणसांशी त्यांची नाळ आजही घट्ट जोडली गेलेली आहे. कोणताही बडेजावपणा न करता ते आजही आपल्या माणसांसह मिळून मिसळून वागतात. अशाच मोजक्या कलाकारांपैकी एक म्हणजे डान्सर आणि अभिनेता फैजल खान.

 

यश, पैसा, प्रसिद्धी मिळाल्यानंतर जीवन पूर्ण पालटते. वैयक्तीक जीवनात ब-याच गोष्टी बदलतात. लोकांकडून मान, सन्मान, आदर मिळतो. त्या पद्धतीने  छोट्या पडद्यावरील महाराणा प्रताप मालिकेतून घराघरात पोहचलेला अभिनेता फैजलचेही नशीब पालटले आहे. पण सक्सेसमुळे जराही हुरळून न जाता अवतीभवती जे आहे, जे सुरु आहे त्यानुसार जगण्याचा मार्ग अवलंबला असून पाय जमिनीवर ठेवण्याचा त्याने प्रयत्न केला आहे.

विशेष म्हणजे आजही फैजलचे वडील रिक्षा चालवत कुटुंहाचे उदरनिर्वाह करायचे. आजही फैजल त्याच्या वडीलांच्या रिक्षानेच प्रवास करणे जास्त पसंत करतो. मात्र आता त्याचे वडील रिक्षा इतरांसाठी रिक्षा चालवत नसले तरी खास फैजल रिक्षातून फेरफटका मारताना दिसतात.कधी काळी सायकल घेण्याची इच्छा बाळगणा-या फैजलने आज मुंबईत  एक आलिशान फ्लॅटही खरेदी केला आहे.15 व्या मजल्यावर त्याचा हा आलिशान फ्लॅट आहे. तसेच दोन लग्झरी गाड्यांचा मालकही आहे. वडीलांनी घेतलेल्या कष्टामुळेच आज फैजलला हे यश मिळाले असल्याचे तो सांगतो. आज जे काही त्याने मिळवले आहे. त्याचे श्रेय तो त्याच्या कुटुंबियांना देतो.

फैजल डान्स इंडिया डान्स लिटील मास्टर,झलक दिखला जा,डान्स चॅम्पियन असे रिअॅलिटी शो केल्यानंतर तो भार का वीर पुत्र:महाराणा प्रताप या मालिकेत झळकला. याच मालिकेतून तो ख-या अर्थाने प्रकाशझोतात आला होता.