​रोहित शेट्टी बनला मिस्टर परफेक्शनिस्ट

र�

��हित शेट्टी सध्या इंडियाज्‌ नेक्स्ट सुपरस्टार्स या कार्यक्रमात परीक्षकांची भूमिका साकारताना दिसत आहे. या कार्यक्रमाद्वारे प्रेक्षकांना अभिनय क्षेत्रातील त्यांची स्वप्नं पूर्ण करण्याची संधी मिळणार आहे. करण जोहर आणि रोहित शेट्टी हे सामान्य लोकांसाठी बॉलिवूडचे दरवाजे केवळ खुलेच करत नाहीयेत, तर त्यांच्या सिनेमांमध्ये या शोमधील विजेत्यांना ब्रेकही देणार आहेत. करण जोहर आणि रोहित शेट्टी हे आगामी रिअॅलिटी शो इंडियाज्‌ नेक्स्ट सुपरस्टार्ससाठी एकत्र येणार असून ते आपल्या पुढील चित्रपटांमधील प्रमुख व्यक्तिरेखांच्या शोधात आहेत.  
रोहित शेट्टी हा त्याच्या कामात नेहमीच अतिशय परफेक्ट असतो. प्रत्येक गोष्ट अतिशय चांगल्याप्रकारे व्हायला पाहिजे यासाठी तो प्रयत्न करत असतो. इंडियाज्‌ नेक्स्ट सुपरस्टार्समध्ये देखील त्याचा हा स्वभाव सगळ्यांना पाहायला मिळत आहे. तो या कार्यक्रमातील स्पर्धकांना चांगलेच मार्गदर्शन करताना दिसत आहे. त्याच्या या मार्गदर्शनाचा चांगलाच फायदा या कार्यक्रमातील स्पर्धकांना होत आहे. त्यामुळे हे सगळेच स्पर्धक रोहितवर प्रचंड खूश आहेत. या शोबद्दल रोहित शेट्टी सांगतो, “माझ्यासाठी हिंदी चित्रपटसृष्टी म्हणजे फक्त एकच गोष्ट एन्टरटेनमेंट. जर एक फिल्म मेकर म्हणून मी ते करू शकलो तर मी माझे काम केले आहे. पण जेव्हा तुम्ही कॅमेऱ्यासमोर असता तेव्हा गोष्ट वेगळी असते. अशा अनेक अभिनेत्यांची उदाहरणे आहेत ज्यांनी त्यांच्या मेहनतीने, टॅलेंटने सर्वोच्च स्थान प्राप्त केले आहे आणि अनेक दशके उलटून गेल्यानंतरही प्रेक्षकांच्या मनामध्ये ते घर करून आहेत. इतक्या वर्षांनी देखील त्यांची लोकप्रियता कशी काय कायम आहे याची व्याख्या कोणीच करू शकणार नाही. एक चांगला अभिनेता नेहमीच लक्षात राहतो आणि देशातील रसिकही त्याच्यावर प्रेम करतात. त्यामुळे स्टार इंडिया आमच्यासोबत इंडियाज नेक्स्ट सुपरस्टार्सचा शोध घेणार आहेत.”
करण जोहर आणि रोहित शेट्टी असा मिलाफ याआधी कधीही पाहण्यात आलेला नव्हता. आता हे दोघे इंडियाज नेक्स्ट सुपरस्टार्ससाठी एकत्र आले असून ते जगाला सांगतील ''ना खानदान, ना सिफारिश... बॉलिवूड को है सिर्फ टॅलेन्ट का इंतजार'. 

Also Read : इंडियाज नेक्स्ट सुपरस्टार्समध्ये रोहित शेट्टी दिसणार एका वेगळ्या अंदाजात