​‘दिल ही तो है’ मध्ये किथ सिक्वेरा दिसणार या भूमिकेत

छ�

��ट्या पडद्यावरचा प्रसिद्ध अभिनेता किथ सिक्वेरा लवकरच सोनी एन्टरटेन्मेंट टेलिव्हिजनवरील ‘दिल ही तो है’ मालिकेत पाहुणा कलाकारच्या भूमिकेत प्रेक्षकांना पाहायला मिळणार आहे. तरुणवर्गाचा लाडका करण कुंद्रा आणि दस का दममुळे परिचित झालेली योगिता बिहाणी अभिनीत ही मालिका आगळ्यावेगळ्या विषयामुळे आधीच चर्चेचा विषय बनली आहे. किथ या मालिकेत एका व्यवसायिकाच्या भूमिकेत दिसणार असून तो ऋत्विक म्हणजेच करण कुंद्राचा मित्र असल्याचे मालिकेत दाखवण्यात येणार आहे. या मालिकेत तो बिझनेसमनची भूमिका साकारणार आहे. त्याची या मालिकेतील भूमिका छोटीशी असली तरी ती अतिशय महत्त्वाची आहे. ऋत्विक एका संकटात सापडलेला असताना त्याच्या मदतीसाठी किथ धावून येतो असे मालिकेत दाखवण्यात येणार आहे. 
किथ आणि करण हे प्रत्यक्ष जीवनात खूप चांगले मित्र आहेत. त्यांची मैत्री ही खूपच जुनी आहे. त्यांची हीच मैत्री प्रेक्षकांना पडद्यावरच पाहायला मिळणार आहे. हे दोघेही एकमेकांसोबत काम करण्यास खूपच उत्सुक आहेत. मालिकेतील आपली भूमिका आणि करणसोबत काम करण्याच्या आपल्या अनुभवाबद्दल किथ सांगतो, “’दिल ही तो है’ मध्ये काम करण्याचा अनुभव छान होता. मालिकेची गोष्ट रोचक आणि अगदी वेगळी आहे, ज्यातून आजच्या काळाचा फॅमिली ड्रामा सादर होईल आणि दैनिक मालिकांची परंपरागत शैली पालटून जाईल. या मालिकेत सध्याच्या पिढीचे प्रेम, नातेसंबंध, सेक्स आणि ब्रेक अप या बाबतीतील प्रश्न मांडले जातील. ज्यामुळे इतर मालिकांमध्ये या मालिकेचे वेगळेपण उठून दिसेल. माझ्या स्वतःसाठी हा अनुभव खूपच छान होता आणि करण कुंद्रासोबत काम करायला मजा आली. कारण आम्ही गेल्या दोन वर्षांपासून एकमेकांना ओळखतो आहोत. तो एक लाघवी आणि तो शांत स्वभावाचा तरुण आहे. तो पडद्यावर जे व्यक्तिमत्व साकारत आहे, ते त्याच्या मूळ स्वभावाशी मिळते जुळते आहे. या कार्यक्रमाच्या टीमला खूप खूप शुभेच्छा.”
प्रेक्षकांना दिल ही तो है या मालिकेतील किथ सिक्वेराची भूमिका आवडेल अशी या मालिकेच्या टीमला खात्री आहे. 

Also Read : बिग बॉसमधील या प्रसिद्ध कपलने गेले गुपचूप लग्न