​सुप्रिया पिळगावकर मेरे साई या मालिकेत दिसणार या भूमिकेत

म�

��रे साई ही मालिका नुकतीच सुरू झाली असून या मालिकेला प्रेक्षकांची चांगलीच लोकप्रियता मिळत आहे. या मालिकेत प्रेक्षकांना साई बाबांच्या आयुष्यातील अनेक घटना पाहायला मिळत आहेत. या मालिकेत साईंची भूमिका अबीर सुफी, झिपरीची भूमिका धृती मंगेशकर साकारत आहे. तसेच तोरल रासपुत्र, वैभव मांगले यांसारखे कलाकार या मालिकेत मुख्य भूमिकेत आहेत. अबीर सूफी, तोरल रासपुत्र आणि वैभव मांगले या मुख्य कलाकारांच्या कलात्मक अभिनयामुळे मालिकेने लोकांची मने जिंकली आहेत. आता या मालिकेच्या टीममध्ये अभिनेत्री सुप्रिया पिळगावकर दाखल होणार आहेत. सुप्रिया या मालिकेत एका अगदी वेगळ्याच भूमिकेत प्रेक्षकांना पाहायला मिळणार आहेत. ‘कुछ रंग प्यार के ऐसे भी’ या मालिकेत सुप्रिया यांना प्रेक्षकांनी प्रेमळ आईच्या भूमिकेत चांगलीच पसंती दिली होती. या मालिकेनंतर आता पुन्हा एकदा सुप्रिया प्रेक्षकांना एका मुख्य भूमिकेत पाहायला मिळणार आहेत. 
सुप्रिया मेरे साई या मालिकेत एका त्रासलेल्या आईच्या भूमिकेत दिसणार आहे. तिच्या जीवनात प्रचंड दुःख आहे. पण साई बाबांच्या आधाराने आणि त्यांची शिकवण आचरणात आणून तिला सुख शांती प्राप्त होते. मेरे साई या मालिकेत काम करण्यासाठी सुप्रिया पिळगांवकर प्रचंड उत्सुक आहेत. मालिकेतील भूमिकेविषयी सुप्रिया सांगतात, मेरे साई या मालिकेत मी खूप वेगळ्या भूमिकेत प्रेक्षकांना पाहायला मिळणार आहे. या मालिकेत साकारलेली भूमिका मी आजवर साकारलेल्या सगळ्या भूमिकांपेक्षा वेगळी आहे. मला आठवते आहे, ‘कुछ रंग प्यार के ऐसे भी’ मालिका संपत असताना मी सोनीवर लवकरच मेरे साई मालिका सुरू होत असल्याचे जाहीर केले होते. त्या वेळेपासूनच मला या मालिकेचा भाग होण्याची इच्छा होती. मी टीव्हीवर ही मालिका नियमितपणे बघते. एका सामाजिक समारंभात मालिकेच्या निर्मात्याशी माझी योगायोगाने भेट झाली आणि मी त्यांच्याजवळ माझी इच्छा व्यक्त केली. दुसर्‍याच दिवशी या भूमिकेसाठी मला फोन आला आणि मी आनंदाने ती स्वीकारली.”

Also Read : सुप्रिया पिळगावकर यांच्या घरातल्यांच्या भीतीमुळे सचिन पिळगांवकर या पत्त्यावर पाठवायचे त्यांना पत्र