​सलमान खान बनला कोरस गायक!

क�

��वळ सलमानच्या चाहत्यांनाच नाही तर त्याला ओळखत असणाऱ्या प्रत्येकालाच सलमानला लहान मुलांबद्दल किती प्रेम वाटतं, हे ठाऊक आहे. त्यामुळे द व्हॉईस इंडिया किड्सच्या सेटवर मुलांच्या प्रत्येक इच्छा आणि विनवणी पूर्ण करत सलमानने कार्यक्रमाच्या स्पर्धकांसोबत खूप चांगला वेळ घालवला. सगळ्यांच्या परफॉर्मन्सना सलमानने भरभरून दाद दिली. पलकच्या ग्रुपमधील श्रीमोयी मोंडलने प्रेम रतन धन पायो हे गाणे गायले. हे गाणे चित्रपटात पलकनेच गायले असल्याने हे गाणे ऐकून ती खूपच खूश झाली. श्रीमोयी हे गाणे गात असताना इतर स्पर्धकांनी कोरसमध्ये तिला साथ दिली. त्यावेळी सेटवर खूपच चांगले वातावरण आणि एक उत्साह निर्माण झाला होता आणि या उत्साहात आणखी भर पडली कारण स्वतः सलमान त्याच्या खुर्चीतून उठला आणि त्याने कोरसमध्ये सगळ्यांना साथ दिली. सलमान त्या मुलांसोबत कोरसमध्ये गात असल्याने या मुलांना प्रचंड आनंद झाला होता. हे गाणे गात असतानाच या चित्रपटातील सिग्नेचर स्टेप देखील सलमानने करून दाखवली. त्यामुळे तर या स्पर्धकांचा आनंद द्विगुणित झाला होता. याविषयी या कार्यक्रमाचा सूत्रसंचालक जय भानुशालीने सांगितले, सलमान खान हा खरा रॉकस्टार आहे. एखाद्या स्पर्धकाच्या गाण्यासाठी बॉलिवूडमधील सर्वात महागडा कलाकार कोरस म्हणून आम्हाला मिळाला आहे, असे मला वाटते. त्याच्याबरोबर शूटिंग करताना खूप मजा आली. संपूर्ण सेटवर एक वेगळाच उत्साह निर्माण झाला होता.
लहानगी श्रीमोयीला मार्गदर्शकांकडून काय प्रतिक्रिया मिळणार याची वाट पाहत असताना मूळ गायिकेपेक्षा पण खूप सुंदर गायलीस तुझा माझ्यावर विश्वास नसेल, तर आपण दोन्ही गायकांना एकत्र गायला लावू आणि मग आपल्याला कळेल की जास्त चांगले कोण गायले अशी सलमानाने उत्स्फूर्त प्रतिक्रिया दिली. सलमानने असे म्हटल्यावर लगेचच पलक श्रीमोयीसोबत स्टेजवर आली आणि तिच्यासोबत तिने गाणे गायले. पण हे गाणे गायल्यावर श्रीमोयीने आपल्यापेक्षा अधिक चांगले गायले असल्याचे पलकने देखील मान्य केले. 
द व्हॉईस इंडिया किड्सच्या या एपिसोडमध्ये सलमान खान आणि कतरिना कैफ टायगर जिंगा हैच्या प्रमोशनसाठी आले होते, तिथे त्यांनी स्पर्धकांसोबत खूप मजा-मस्ती केली. 

Also Read : ​सलमान खानबद्दल काय आहेत कॅटरिना कैफच्या भावना?