'देवमाणूस' मालिकेतल्या सरु आजींचा खऱ्या आयुष्यातला लूक होतोय व्हायरल,ओळखणंही होतंय कठिण

देवमाणूस मालिकेमधल्या सरु आजी खऱ्या आयुष्यात अतिशय मनमौजी स्वभावाच्या आहेत. सध्या सरु आजीच्या या फोटोंनीच चाहत्यांचे लक्ष वेधून घेतले आहे.

'देवमाणूस' ही मालिका सध्या सोशल मीडियावर चांगलीच चर्चेत आहे. आता मालिकेचे काही भाग टेलिकास्ट होणार आहेत. त्यानंतर रसिकांचा ही मालिका निरोप घेणार आहे. मालिका जशी चर्चेत आहे तशी मालिकेचे कलाकारही नेहमीच चर्चेत असतात. मात्र या मालिकेतील एक व्यक्तिरेखने ऑनस्क्रीनप्रमाणे ऑफस्क्रिनही रसिकांचे लक्ष वेधून घेतले आहे.ती व्यक्तीरेखा आहे सरू आजी. सरू आजीची भूमिका ज्येष्ठ अभिनेत्री रुक्मिणी सुतार यांनी साकारली आहे. 

मालिकेत डोळ्याला काळा चष्मा आणि नऊवारी साडीत आपण त्यांना पाहिले आहे. मात्र सरु आजी ऑनस्क्रीन जशा दिसतात तशा अजिबात नाहीय. सोज्वळ रुपात दिसणा-या सरु आजी ख-या आयुष्यात मात्र फार वेगळ्याच दिसतात. इतकेच काय तर समोर आलेल्या फोटोत ग्लॅमरस अवतार पाहायला मिळतात. ख-या आयुष्यात अतिशय मनमौजी स्वभावाच्या आहेत. सध्या सरु आजीच्या या फोटोंनीच चाहत्यांचे लक्ष वेधून घेतले आहे. मालिकेत वंदी आत्याची भूमिका साकारणारी अभिनेत्री पुष्पा चौधरी यांनीच हे फोटो शेअर केले आहेत.

हा फोटो पाहून चाहतेही त्यांना ओळखणार नाही. रिल लाईफमध्ये दिसणा-या सरु आजीचा रिअल लाईफ अंदाज पाहून रसिकही त्यांचे कौतुक करत आहेत. यावयातही तरुणाईला लाजवेळ असा त्यांचा उत्साह इतरांनाही प्रेरणा देतो. हा फोटो पाहून चाहतेही लाईक्स आणि कमेंट्स देत पसंती देत असल्याचे पाहायला मिळत आहे. 

रुक्मिणी सुतार ह्या ७० वर्षांच्या आहेत. याआधी त्यांनी अनेक मालिका आणि चित्रपटांमधेही त्या झळकल्या आहेत. गेल्या १० वर्षांपासून रसिकांचे मनोरंजन करत आहे.  पण ‘देवमाणूस’ या मालिकेमुळे त्यांना ख-या लोकप्रियता मिळाली. यापूर्वीही त्या टीव्ही मालिकेत झळकल्या आहेत. 'मिसेस मुख्यमंत्री', 'लागीर झालं जी', 'दुर्वा' यांसारख्या मालिका 'जाऊ द्या ना बाळासाहेब', 'बघतोस काय मुजरा कर', 'होम स्वीट होम', 'पोशिंदा', 'पहिली शेर दुसरी सव्वाशेर' यांसारख्या सिनेमांमध्येही त्यांनी भूमिका साकारल्या आहेत.

अभिनय क्षेत्रात येण्यापूर्वी रुक्मिणी नोकरी करत होत्या.काम सांभाळत सुट्टीच्या दिवशी त्या कुटुंबियांना न कळता लपुनछपुन नाटकातही भाग घ्यायच्या. इतकंच काय तर रुक्मिणी बॉलिवूडमध्येही झळकल्या आहेत. ‘दबंग’सिनेमात सलमान खान सोबतही त्यांनी काम केले आहे. आयुष्यात एकदा तरी महानायक अमिताभ बच्चन यांच्यासोबत काम करण्याची ईच्छा असल्याचे त्यांनी  एका मुलाखतीत बोलून दाखवली होती.