४ महिन्यांपूर्वी गुपचूप लग्न अन् आता अभिनेत्री घेतेय घटस्फोट, पतीकडे मागतेय २५ लाख रुपये

मालिकाविश्वातील प्रसिद्ध अभिनेत्रीने गुपचूप लग्न केले आणि लग्नाच्या ४ महिन्यानंतर ती पतीपासून विभक्त होतेय.

गेल्या काही दिवसांपूर्वी गोविंदा त्याची पत्नी सुनीता अहुजासोबत विभक्त होत असल्याच्या चर्चा ऐकायला मिळत होत्या. मात्र नंतर या वृत्तात तथ्य नसल्याचे समोर आले. त्यानंतर आता 'रब से है दुआ', 'ये जादू है जिन्न का' आणि 'अपोलेना' यांसारख्या टीव्ही मालिकांमधून लोकप्रिय झालेली अभिनेत्री अदिती शर्मा (Aditi Sharma) लग्नाच्या ४ महिन्यानंतर घटस्फोट घेत असल्याचं समोर आलं आहे. तिच्याबाबतीत धक्कादायक खुलासा झाला आहे. अभिनीत कौशिक(Abhineet Kaushik)ने दावा केला आहे की, अदितीने त्याच्यासोबत गुपचूप लग्न केले आणि आता अवघ्या चार महिन्यांनंतर ती घटस्फोटाची मागणी करत आहे. अभिनीतने अभिनेत्रीवर तिच्या को-स्टारसोबत एक्स्ट्रा मॅरिटल अफेअर असल्याचा आरोपही केला आहे.

इंडिया फोरमशी बोलताना अभिनीत कौशिकने सांगितले की, अदिती शर्माने त्याला विनंती केली होती की हे लग्न गुपित राहील. तो म्हणाला की, 'आम्ही रिलेशनशीपमध्ये होतो आणि बहुतेक लिव्ह-इनमध्ये राहत होतो. त्याच्या आजूबाजूच्या प्रत्येकाला, त्याच्या सहकलाकारांना आणि प्रत्येकाला आमच्याबद्दल माहिती होते. मी तिचा मॅनेजर असल्याचे भासवले आणि मी तिचे काम, तिच्या मीटिंग्ज, तिचे इंस्टाग्राम, तिचे कोलॅब आणि सर्वकाही मॅनेज करत होते. आम्ही गेल्या वर्षी एकत्र राहू लागलो आणि नंतर नोव्हेंबरमध्ये लग्न केले.

नोव्हेंबरमध्ये गुपचूप बांधली लग्नगाठ
अभिनीत कौशिक पुढे म्हणाला की, 'ती गेल्या दीड वर्षांपासून माझ्यावर लग्नासाठी दबाव आणत होती आणि मी तिला सांगायचो की मी लग्नासाठी तयार नाही. रिलेशनशीपच्या सुरुवातीस, मी लग्नासाठी अधिक उत्साहित होतो, परंतु नंतर, कुटुंबातील काही गोष्टींनंतर मी तयार नव्हतो. परंतु नंतर ती माझ्या मागे लागली. तिने माझ्यावर दीड वर्ष लग्नासाठी दबाव टाकला, त्यानंतर मी होकार दिला. त्यानंतर नोव्हेंबर २०२४ मध्ये आम्ही लग्न केले. तिच्या करिअरमुळे बाहेरच्या कुणालाही कळू नये, अशी तिची अट होती.

पूर्ण विधीवत पार पडलं अदिती आणि अभिनीतचं लग्न
अदिती शर्माचा नवरा असल्याचा दावा करणारा अभिनीत म्हणाला, 'लग्न ही एक कमिटमेंट असते आणि तुम्हाला माहीत आहे की जोडीदार म्हणून तुम्ही तुमच्या जोडीदारासाठी सर्वकाही करता, मग ते काहीही असो, तुम्ही त्यांना त्यांच्या करिअरमध्ये आणि प्रत्येक गोष्टीत मदत करण्याचा प्रयत्न करता. त्यामुळे ती जे काही म्हणाली, ते मी स्वीकारले. अभिनीत पुढे म्हणाला, 'आम्ही तिच्या भावंडांच्या, माझ्या भावंडांच्या, आई-वडिलांच्या उपस्थितीत आमच्या घरी लग्न केले. आमच्याकडे दोन पंडित होते, सर्व काही विधी प्रमाणे झाले होते. या संपूर्ण गोष्टीला ३-४ दिवस लागले. माझ्याकडे आमच्या लग्नाची, उत्सवाची आणि प्रत्येक गोष्टीची १००० फोटो आहेत.

एक्स्ट्रा मॅरिटल अफेअरचा केला आरोप
अभिनीत कौशिकने आदिती शर्मावर एक्स्ट्रा मॅरिटल अफेअरचा आरोपही केला आहे. त्याने आरोप केला आहे की, अभिनेत्रीचे तिच्या शो अपोलेनाचा सह अभिनेता सामर्थ्य गुप्तासोबत अफेअर आहे. रंगेहाथ पकडल्यानंतर आदितीने त्याला आणि त्याचे लग्न अवैध ठरवले आणि मॉक ट्रायल झाल्याचा दावाही केला. यासोबतच अभिनेत्रीने अभिनीतकडे २५ लाख रुपयेदेखील मागितले.

अभिनीतने अदितीसोबतचा फोटो केलाय शेअर 
अभिनीत कौशिकने इन्स्टाग्राम स्टोरीवर आदिती शर्मासोबतचा फोटोही शेअर केला आहे. यासोबत त्याने कॅप्शनमध्ये लिहिले की, 'माझी पत्नी आदिती शर्माला भेटा.' यावर अभिनेत्रीने अद्याप कोणतीही प्रतिक्रिया दिलेली नाही.