शिल्पा शिंदेने बाबूराव स्टाइलमध्ये मारला धासू डायलॉग; एकदा व्हिडीओ बघाच!

बिग बॉस सीजन ११ ची विजेती शिल्पा शिंदे सध्या सोशल मीडियावर जबरदस्त अ‍ॅक्टिव असताना दित आहे. तिचा एक व्हिडीओ सध्या व्हायरल होत असून, त्यामध्ये ती बाबूराव स्टाइलमध्ये डायलॉग मारताना दिसत आहे.

ब�

��ग बॉस या सर्वाधिक वादग्रस्त रिअ‍ॅलिटी शोच्या सीजन ११ ची विजेती असलेली शिल्पा शिंदे सध्या सोशल मीडियावर जबरदस्त अ‍ॅक्टिव्ह असल्याचे दिसत आहे. बिग बॉसच्या घरात लाखो प्रेक्षकांना आपलेसे करणाºया शिल्पाचा एक डायलॉग सध्या सोशल मीडियावर व्हायरल होत आहे. गेल्या शुक्रवारी शिल्पाने तिच्या आॅफिशियल इन्स्टाग्राम अकाउंटवर एक व्हिडीओ पोस्ट केला, जो तिच्या चाहत्यांना प्रचंड पसंत येताना दिसत आहे. या व्हिडीओमध्ये शिल्पा आपल्या हटके स्टाइलमध्ये बाबूरावचा डायलॉग बोलताना दिसत आहे. 

मस्तीच्या मुडमध्ये असलेल्या शिल्पा शिंदेने या व्हिडीओमध्ये ‘हेरा फेरी’ या चित्रपटात बाबूराव बनलेल्या परेश रावल यांचा एक डायलॉग म्हटला आहे. कॉमेडी किंग जॉनी लिव्हर आणि परेश रावल यांच्यातील कन्वर्सेशनवाल्या सीक्वेंसमध्ये डायलॉग मारताना शिल्पा म्हणते की, ‘...ए लगता है ये जगह तेरे बाप का है... मेरे बाप का कोल्हापुर में बहुत बडा जगह है’ सध्या शिल्पाचा हा डायलॉग सोशल मीडियावर जबरदस्त व्हायरल होत आहे. शिल्पाचा हा व्हिडीओ आतापर्यंत ९० हजार लोकांनी लाइक केला आहे.  
 

४० वर्षीय शिल्पाला तिची फिटनेस बघून एका यूजरने या व्हिडीओला कॉमेण्ट देताना लिहिले की, ‘तू या अ‍ॅक्टमध्ये अगदी करिना कपूरसारखी दिसत आहेस. दरम्यान, बिग बॉसच्या घरात शिल्पाला तिच्या शांत स्वभावामुळे आणि आपल्या अनोख्या बोलण्याच्या अंदाजामुळे प्रचंड लोकप्रियता मिळाली. प्रेक्षकांकडून तिला एवढे प्रेम मिळाले की, लोकप्रिय टीव्ही अभिनेत्री हिना खान हिला धोबीपछाड देत शोचे विजेतेपद पटकाविले. या शोनंतर शिल्पा अद्यापपर्यंत एकाही मालिकेत किंवा चित्रपटात बघावयास मिळाली नाही. प्रेक्षक तिच्या कमबॅकची प्रतिक्षा करीत आहेत.