शिव ठाकरे पोहोचला सिद्धीविनायकाच्या दर्शनाला, लवकरच रोहित शेट्टीच्या शोमध्ये दिसणार

शिव ठाकरे 'बिग बॉस'मुळे चांगलाच चर्चेत आला.

महाराष्ट्राचा लाडका 'बिग बॉस' फेम शिव ठाकरे (Shiv Thakre) लवकरच रोहित शेट्टीच्या लोकप्रिय 'खतरो के खिलाडी'शो मध्ये सहभागी होणार आहे. त्यापूर्वी शिवने मुंबईचं आराध्यदैवत सिद्धीविनायकाचं दर्शन घेतलं. यावेळी त्याला पाहण्यासाठी एकच गर्दी झाली होती. दर्शन घेतल्यानंतर बाहेर येताच शिवने सर्वांना प्रसादही वाटला. 

शिव ठाकरे 'बिग बॉस'मुळे चांगलाच चर्चेत आला. मराठी बिग बॉसचा विजेता ठरल्यानंतर त्याने हिंदी बिग बॉसही गाजवलं. यानंतर त्याला अनेक ऑफर्स यायला लागल्या. त्यात महत्वाचं म्हणजे 'खतरो के खिलाडी' सारखा प्रसिद्ध शो. या शोमध्ये शिवची वर्णी लागल्याने त्याचे चाहते जाम खूश झालेत. नुकतेच शिवने सिद्धीविनायकाचे दर्शन घेतल्याचा व्हिडिओ सोशल मीडियावर व्हायरल होतोय.

मराठी बिग बॉसमध्ये विणा जगताप आणि शिवच्या नात्याची जोरदार चर्चा झाली होती. घरातून बाहेर आल्यावरही दोघं सोबत होते. मात्र अचानक ते एकमेकांपासून वेगळे झाले. यानंतर शिवने हिंदी बिग बॉसमध्ये एंट्री घेतली. तिथे त्याचं नाव निम्रित कौरसोबत जोडलं गेलं. मात्र दोघांनीही कधीच ते मान्य केलं नाही. आता शिव आणि अभिनेत्री आकांक्षा पुरीच्या नात्याची चर्चा रंगताना दिसत आहे.