शिवाली, हे खरंय... 'कल्याणच्या चुलबुली'ने दिली प्रेमाची कबुली? फोटोमुळे रंगल्या चर्चा

शिवालीने प्रेमाची कबुलीही दिली आहे का असा प्रश्न चाहत्यांना पडला आहे.

'महाराष्ट्राची हास्यजत्रा' कार्यक्रमातून लोकप्रिय झालेली कलाकार शिवाली परब (Shivali Parab) चर्चेत आली आहे. शिवाली मराठी अभिनेता निमिष कुलकर्णीला (Nimish Kulkarni) डेट करत असल्याचं काही महिन्यांपूर्वीच समोर आलं होतं. शिवालीने अनेकदा तशी हिंटही दिली होती. मात्र दोघांनीही आपलं नातं कबूल केलं नव्हतं. आता शिवालीने निमिषसोबतचे फोटो शेअर केलेत ज्यामध्ये दोघंही छान तयार झाले आहेत. या फोटोसोबतच शिवालीने प्रेमाची कबुलीही दिली आहे का असा प्रश्न चाहत्यांना पडला आहे.

'कल्याणची चुलबुली' शिवाली परबने काही वेळापूर्वीच इन्स्टाग्रामवर दोन फोटो शेअर केले आहेत. यामध्ये तिने काळ्या रंगाचा ड्रेस घातला आहे. या आऊटफिटमध्ये ती अतिशय सुंदर दिसत आहे. तर तिच्याजवळ अभिनेता निमिष कुलकर्णी उभा आहे. डोळ्यावर गॉगल, काळा टीशर्ट, आणि निळ्या जॅकेटमध्ये तो डॅशिंग दिसतोय. दोघांनीही अगदी कपलसारखीच पोज दिली आहे. या फोटोसोबत शिवालीने कॅप्शनमध्ये लिहिले,'निमिष की निषिम, सब कल की बाते'. या कॅप्शनसमोर तिने हार्ट चा इमोजीही दिला आहे. तसंच हॅशटॅगमध्ये शिवालीने Love असे लिहिल्याने आता चर्चेला उधाण आलं आहे. 

या फोटोंवर चाहत्यांनी 'हे खरं आहे का?','बॉयफ्रेंड की नवरा?','आम्ही दोघांचे चाहते आहोत' अशी कमेंट केली आहे. मराठी मनोरंजनसृष्टीत लग्नाचे वारे वाहत असतानाच शिवालीही काही हिंट देतीये का असा प्रश्नही चाहत्यांना पडला आहे. 

निमिष कुलकर्णी सुद्धा महाराष्ट्राची हास्यजत्राचा भाग होता. तेव्हा त्याला निमिष की निषिम असं चिडवलं जायचं. काही दिवसांनी निमिषने कार्यक्रम सोडला आणि तो मालिकेत काम करु लागला.'सहकुटुंब सहपरिवार' मालिकेत निमिषचीही भूमिका होती. सध्या निमिष 'मर्डरवाले कुलकर्णी'नाटकात काम करत आहे.