‘माझ्या ब्रा चं माप...’; श्वेता तिवारी मुळात असं का म्हणाली? झाला मोठा खुलासा

Shweta Tiwari controversial statement: या सर्व प्रकरणानंतर भोपाळमध्ये झालेल्या त्या कार्यक्रमाचा होस्ट सलील आचार्य याने  स्पष्टीकरण दिलं आहे. सलीलने श्वेताचा बचाव केला आहे.

 Shweta Tiwari controversial statement:  ‘बिग बॉस 4’ची विजेती आणि छोट्या पडद्यावरची लोकप्रिय अभिनेत्री श्वेता तिवारी ( Shweta Tiwari ) हिच्या एका वक्तव्याने देशभर खळबळ माजली आहे.  सोशल मीडियावर तिच्यावर सडकून टीका होतेय. ‘माझ्या ब्रा चं माप देवच घेत आहे,’ असं वक्तव्य करत श्वेतानं वाद ओढवून घेतला. मुळात श्वेताने असं वक्तव्य का केलं, हा प्रश्न आहे आणि आता त्याचाही खुलासा झाला आहे.
 
अभिनेत्री श्वेता तिवारी अलीकडे ‘शो स्टॉपर-मीट द ब्रा फिटर’ या तिच्या आगामी  वेबसीरीजच्या प्रमोशनसाठी भोपाळला गेली होती. या कार्यक्रमादरम्यान श्वेतानं हे वादग्रस्त वक्तव्य केलं. 

अभिनेत्रीचं हे वक्तव्य समोर येताच सर्व स्तरावर याचे पडसाद उमटले. अगदी राजकीय गोटातही तिच्या विरूद्ध संताप व्यक्त केला गेला. यानंतर  मध्य प्रदेश सरकारने अ‍ॅक्शनमध्ये येत याप्रकरणी  भोपाळ पोलीस आयुक्तांकडून संपूर्ण प्रकरणाचा तपास अहवाल मागवला आहे. अभिनेत्री श्वेता तिवारीचं वक्तव्य ऐकलं आणि पाहिलं असून हे विधान आक्षेपार्ह असल्याचं भोपाळच्या गृहमंत्र्यांनी स्पष्ट केलं असून या संपूर्ण प्रकरणाचा तपास करण्याच्या सूचना दिल्या आल्या आहेत.
या सर्व प्रकरणानंतर भोपाळमध्ये झालेल्या त्या कार्यक्रमाचा होस्ट सलील आचार्य याने  स्पष्टीकरण दिलं आहे. सलीलचा एक व्हिडीओ सध्या सोशल मीडियावर व्हायरल होत आहे. या व्हिडीओत सलीलने श्वेताचा बचाव केला आहे.

काय म्हणाला सलील?
 ‘श्वेता तिवारीच्या एका विधानावर गोंधळ होत आहे. परंतु हा गैरसमजाचा भाग आहे.  कारण त्यावेळी स्टेजवर मीच होतो आणि मीच एक प्रश्न विचारला होता. श्वेताचं हे विधान याच संदर्भाने होते.  स्टेजवर आमच्यासोबत अभिनेता सौरभ जैनसुद्धा होता. सौरभने अनेक पौराणिक भूमिका साकारल्या आहेत. त्याने अनेक मालिकांमध्ये देवाच्या भूमिका केल्या आहेत. त्यामुळे देवाच्या भूमिकेपासून सरळ ब्रा फिटरची भूमिका? असा प्रश्न मी त्याला  विचारला होता. यावरच बोलताना श्वेतानं हे विधान केलं होतं. ‘होय, सीरिजमध्ये हाच देव माझ्या ब्राची साइज घेत आहे,’ असं ती हसत हसत म्हणाली होती. तिचा संदर्भ सौरभ साकारत असलेल्या भूमिकेशी होता. मात्र श्वेताचं वक्तव्य पूर्णपणे समजून न घेता, ते चुकीच्या पद्धतीने सर्वांसमोर आणलं गेलं. मी विनंती करतो की, तिच्या विधानाची मोडतोड करून ते चुकीच्या पद्धतीने सादर करू नका,’ असं सलील म्हणाला.