'तारक मेहता'मधील सोनूचा फोटो होतोय व्हायरल, बॅकग्राउंडमधील 'गंदी बात'ने वेधले सर्वांचे लक्ष

तारक मेहता का उल्टा चष्मा मालिकेतील गोलीने सोनूचा एक जुना फोटो शेअर केला आहे.

छोट्या पडद्यावरील लोकप्रिय शो तारक मेहता का उल्टा चष्मा गेल्या कित्येक वर्षांपासून प्रेक्षकांचे मनोरंजन करत आहे. या मालिकेतील दया, जेठालाल, चंपकदादा, टप्पू सेना, सेक्रेटरी भिडे, माधवी भाभीसह शोमधील सर्वच पात्रांनी रसिकांच्या मनात घर केले आहे. ही मालिका कोणत्याही वयोगटातील व्यक्ती आवडीने बघतात. गेल्या अनेक वर्षांपासून सुरू असलेल्या या मालिकेतील बच्चे कंपनी देखील आता मोठी झाली आहे. अनेक कलाकारांनी तर मधूनच या मालिकेला रामराम केला आहे. अशीच एक कलाकार आहे निधी भानुशाली. तिने या मालिकेत सोनूची भूमिका साकारली होती. 

 गोकुळधाम सोसायटीचे एकमेव सेक्रेटरी भिडे मास्टरच्या मुलीची भूमिका साकारणारी निधि भानुशाली सध्या मालिकेत दिसत नसली तरी लोक आजही तिला मोठ्या प्रमाणात पसंती देत असतात. निधी सोशल मीडियावर सक्रीय आहे आणि ती बऱ्याचदा फोटो आणि व्हिडीओ शेअर करत असते. काही दिवसांपूर्वी तिचे बिकिनीतील फोटो खूप व्हायरल झाले होते. त्यानंतर आता तिचा एक अनसीन फोटो सध्या व्हायरल होतोय. तिच्या या अनसीन फोटोमध्ये बॅकग्राउंडला जे काही होताना दिसत आहे, ते पाहून फॅन्सच्या मनातही अनेक प्रश्न निर्माण झाले आहेत.

‘तारक मेहता का उल्टा चश्मा’ मालिकेत गोलीची भूमिका साकारणारा कुश शाह याने निधीला वाढदिवसाच्या शुभेच्छा देणाऱ्या एका पोस्टमध्ये तिचे काही अनसीन फोटोज शेअर केले आहेत. यातल्या तिसऱ्या फोटोने सर्वांचेच लक्ष वेधून घेतले आहे. ही पोस्ट ३ वर्षापूर्वींची आहे. मात्र आता हा फोटो तुफान व्हायरल होतो आहे. निधीच्या या अनसीन फोटोमध्ये बॅकग्राउंडला असलेल्या दोन व्यक्तींना पाहून सगळेच अवाक् होतात. हे पाहून निधीच्या फॅन्सच्या मनात अनेक शंका निर्माण झाल्या आहेत. बॅकग्राउंडमध्ये दोनजण एकमेकांना मिठी मारताना दिसून येत आहेत. हे पाहून असं वाटतंय की ते एकमेकांना किस करत आहेत. हा फोटो पाहून फॅन्सनी आता निधीला प्रश्न विचारण्यास सुरूवात केलीय. त्यामुळे निधी पुन्हा एकदा सोशल मीडियावर ट्रोल होताना दिसते आहे.

या मालिकेत रिता रिपोर्टरची भूमिका साकारणारी अभिनेत्री प्रिया आहुजा हिने देखील निधीला सवाल केलाय. फोटोमध्ये बॅकग्राउंडला कोण आहेत, असे तिने विचारले आहे. तसेच तिने कुशला देखील विचारले, लोकांना जाणून घ्यायचे आहे की मागे नक्की कोण आहेत? मात्र अद्याप ते दोघे कोण आहेत, याचा खुलासा अद्याप झालेला नाही.