"अचानक आयुष्यात माणसं येतात आणि...", अश्विनी महांगडेची पोस्ट चर्चेत

Ashvini Mahangade : अभिनेत्री अश्विनी महांगडे हिने कौमुदी वलोकरच्या कुटुंबासोबतचा फोटो शेअर करत एक पोस्ट लिहिली आहे.

अभिनेत्री अश्विनी महांगडे (Ashvini Mahangade) मराठी टेलिव्हिजनवरील लोकप्रिय अभिनेत्री आहे. तिने मालिका, नाटक आणि सिनेमा अशा तिन्ही माध्यमात काम केले आहे. सध्या ती  स्टार प्रवाह वाहिनीवरील आई कुठे काय करते (Aai Kuthe Kay Karte) मालिकेत काम करताना दिसते आहे. तिने या मालिकेत अनघाची भूमिका साकारली आहे. आता ही मालिका प्रेक्षकांचा निरोप घेत आहे. ३० नोव्हेंबर रोजी शेवटचा एपिसोड प्रसारीत होणार आहे. या मालिकेत अनघा आणि आरोही यांच्यातील छान बॉण्डिंग पाहायला मिळाले. त्यांचे ऑफस्क्रीनदेखील छान मैत्री आहे. दरम्यान आता अश्विनीने कौमुदी वलोकरच्या कुटुंबासोबत फोटो शेअर करत पोस्ट लिहिली आहे. ही पोस्ट चर्चेत आली आहे.

अभिनेत्री अश्विनी महांगडे हिने कौमुदी वलोकरच्या कुटुंबासोबतचा फोटो शेअर केला आहे आणि लिहिले की, अचानक आयुष्यात माणसं येतात आणि त्यांच्या मनात फक्त आपल्यालाच नाही तर आपल्या आजूबाजूच्या सगळ्यांनाच सामावून घेतात. अगदी तसेच तुम्ही तिघेही माझ्या आयुष्यात आलात. कळत नकळत माहित नाही पण जे नाते जुळून आले त्याचा मला आदर आहे. आता मी आहे कायम... कौमुदी वलोकर, दीपक वलोकर आणि गौरी वलोकर. माझे तुम्हा तिघांवर खूप प्रेम आहे.. विषय संपला...ही फार मोठी जबाबदारी, कर्तव्य, प्रेम, आदर आहे पण मी जपणार आहे..

२३ डिसेंबर २०१९ रोजी 'आई कुठे काय करते'  मालिकेचा पहिला एपिसोड प्रसारित झाला होता. मधुराणी प्रभुलकरने या मालिकेत अरुंधतीची भूमिका साकारली. तर मिलिंद गवळी अनिरुद्ध आणि रुपाली भोसले संजनाच्या भूमिकेत होती. अश्विनी महांगडे, अपूर्वा गोरे, निरंजन कुलकर्णी, अभिषेक देशमुख, कौमुदी वलोकर या कलाकारांच्याही महत्त्वाच्या भूमिका होत्या. आता ५ वर्षांनी ही मालिका प्रेक्षकांचा निरोप घेत आहे. ३० नोव्हेंबरला या मालिकेचा शेवटचा भाग प्रसारित होणार आहे.