'नच बलिये 9'मध्ये दिसणार सुंगधा मिश्रा आणि संकेत भोसले ?

विनोदाची राणी सुगंधा मिश्रा आणि संकेत भोसले या दोघांचा एकत्रितपणे विनोदी परफॉर्मेन्स पाहण्यासाठी त्यांचे चाहते आतुर झाले आहेत. त्यांच्या चाहत्यांसाठी आमच्याकडे एक खुशखबर आहे. लवकरच हे दोघे नच बलियेच्या नव्या सीझनमध्ये दिसणार आहेत. नच बलियेच्या ओपिंग एपिसोडमध्ये ही जोडी कॉमेडी ड्रामा करताना दिसणार आहे. 

आपल्या गोड आवाजाबद्दल तसेच गानसम्राज्ञी लता मंगेशकर यांच्या आवाजाची नक्कल करण्याबद्दल सुगंधा मिश्रा प्रसिध्द आहे, तर सलमान खान आणि संजय दत्त यांची हुबेहूब नक्कल करून संकेत भोसले प्रेक्षकांना चकित करतो. आता ‘नच बलिये-9’ या कार्यक्रमाची निर्मिती स्वत: सलमान खानच करणार असून त्यामुळे सलमानचे आवडते नकलाकार असलेले सुगंधा-संकेत हे या कार्यक्रमात आपला सहभाग नोंदवून कार्यक्रमाला चार चाँद लावणार आहेत. 

या टीममधील एका सूत्राने आम्हाला सांगितले, “सुगंधा आणि संकेत हे भारतीय टीव्हीवरील सर्वात आवडते कलाकार असून प्रेक्षकांना त्यांच्या नकला पाहायला आवडतात, हे खरं आहे. आता हे दोघे नच बलियेसारख्या कार्यक्रमात सहभागी झाले, तर त्या कार्यक्रमाची शोभा आणि रंजकता कितीतरी वाढेल, हे निश्चित. आम्ही त्याच्या होकाराची प्रतीक्षा करीत आहोत.”

‘नच बलिये’ या कार्यक्रमाची प्रेक्षक आतुरतेने वाट पाहात असून तो ‘स्टार प्लस’वर लवकरच प्रसारित होणार असला, मात्र कधी हा कार्यक्रम प्रेक्षकांच्या भेटीला येणार आहे याची तारीख अद्याप गुलदस्त्यात आहे.