५०० पेक्षाही कमी पैशात गिरीजाने केलं होतं सिनेमात काम; जाणून घ्या, गौरीचं पहिलं इनकम

Girija prabhu: गिरीजा आज मराठी टिव्ही विश्वातील लोकप्रिय अभिनेत्री म्हणून ओळखली जाते

'सुख म्हणजे नक्की काय असतं' (sukh mhanje nakki kay asta) ही मालिका सध्या टीआरपीच्या शर्यतीमध्ये यशस्वीरित्या घोडदौड करत आहे. अल्पावधीत लोकप्रिय झालेल्या या मालिकेने प्रेक्षकांच्या मनात हक्काचं स्थान निर्माण केलं आहे. त्यामुळे या मालिकेविषयी वा त्यातील कलाकारांविषयी जाणून घेण्याची चाहत्यांमध्ये कायमच उत्सुकता असते. यात खासकरुन गौरीचे म्हणजेच अभिनेत्री गिरीजा प्रभूचे (girija prabhu) असंख्य चाहते आहेत त्यामुळे तिचे प्रत्येक अपडेट मिळावे यासाठी ते धडपड करत असतात.

२७ नोव्हेंबर २००० साली जन्मलेली गिरीजा आज मराठी टिव्ही विश्वातील लोकप्रिय अभिनेत्री म्हणून ओळखली जाते. गिरीजाने 'सुख म्हणजे नक्की काय असतं' या मालिकेपूर्वी अनेक मालिका, चित्रपटांमध्ये काम केलं आहे. विशेष म्हणजे 'टाइम प्लीज' या चित्रपटासाठी तर तिला अत्यंत किरकोळ मानधन देण्यात आलं होतं.

'टाईमप्लीज' ते 'सुख म्हणजे...' ११ वर्षात कमालीची बदलली आहे गौरी; पाहा तिचा Then & Now Look
 

किती होतं गिरीजाचं मानधन

'टाइम प्लीज' या चित्रपटात प्रिया बापट, सिद्धार्थ जाधव आणि उमेश कामत मुख्य भूमिकेत झळकले आहेत. या चित्रपटात गिरीजाने चाईल्ड आर्टिस्ट म्हणून काम केलं आहे. विशेष म्हणजे या भूमिकेसाठी तिला केवळ ३०० रुपये मानधन मिळालं होतं.

दरम्यान, गिरीजा आज छोट्या पडद्यावरील लोकप्रिय अभिनेत्री म्हणून ओळखली जाते. 'सुख म्हणजे नक्की काय असतं' या मालिकेत तिने साकारलेल्या भूमिकेला प्रेक्षकांनी भरभरुन प्रेम दिलं आहे.