Bas Bai Bas: “आता घरातही पवार विरूद्ध शिंदे...”, एकनाथ शिंदेंचा फोटो पाहताच हे काय म्हणाल्या सुप्रिया सुळे?

Supriya Sule in Bas Bai Bas Show : होय,  ‘बस बाई बस’च्या पहिल्या एपिसोडमध्ये राष्ट्रवादी काँग्रेसच्या नेत्या व खासदार सुप्रिया सुळे यांनी हजेरी लावली. मग काय,  ‘बस बाई बस’च्या मंचावर प्रश्नोत्तर, गमती जमती, किस्से, धम्माल असा कार्यक्रम रंगला.

Supriya Sule  in Bas Bai Bas show  : झी मराठीवर एक नवाकोरा शो येतोय आणि सगळ्यांनाच या नव्या शोची उत्सुकता लागून राहिलीये.  ‘बस बाई बस’ (Bas Bai Bas) हा शो येत्या 29 जुलैपासून झी मराठीवर सुरू होतोय. तूर्तास या शोचीच चर्चा आहे. प्रदर्शनाआधीच हा शो चर्चेत आला आहे. कारण आहे सुप्रिया सुळे.
होय,  ‘बस बाई बस’च्या पहिल्या एपिसोडमध्ये राष्ट्रवादी काँग्रेसच्या नेत्या व खासदार सुप्रिया सुळे (Supriya Sule ) यांनी हजेरी लावली. मग काय,  ‘बस बाई बस’च्या मंचावर प्रश्नोत्तर, गमती जमती, किस्से, धम्माल असा कार्यक्रम रंगला.

 

‘बस बाई बस’ हा कार्यक्रम अभिनेता सुबोध भावे (Subodh Bhave ) होस्ट करतोय. सुबोधने या कार्यक्रमाचा नवा प्रोमो त्याच्या सोशल अकाऊंटवर शेअर केला आहे. यात सुप्रिया सुळे दिसत आहेत. प्रोमोमध्ये सुबोध भावे सुप्रिया सुळे यांच्यासोबत एक मजेशीर खेळ खेळताना दिसतोय.  झी मराठीच्या अधिकृत युट्यूब चॅनलवरही या कार्यक्रमाचा एक व्हिडीओ शेअर करण्यात आला आहे. यात सुप्रिया यांना काही नेत्यांचे फोटो दाखवले जातात आणि हे फोटो पाहून सुप्रिया यांनी बोलक्या प्रतिक्रिया देताना दिसतात. 
यावेळी सुप्रिया सुळे यांना मुख्यमंत्री एकनाथ शिंदे (Eknath Shinde) यांचा फोटो दाखवला. यावर सुप्रिया यांनी मोठी मजेशीर व बोलकी प्रतिक्रिया दिली.

काय म्हणाल्या सुप्रिया?
एकनाथ शिंदेंचा फोटो बघताच सुप्रिया त्यांना उद्देशून बोलू लागतात. त्या म्हणतात, ‘नमस्कार, कसे आहात. तुम्ही कमी बोलता आणि मी फक्त बोलतच राहते. त्यादिवशी आपली भेट झाली होती की उद्धवजींच्या केबिनमध्ये. तेव्हा तुम्ही मला बोलला नाहीत की आपण सूरतला निघणार. आपण किमान तिथे विधानभवनात भेटलो असतो. आता मी घरी खूप चिडवते. कारण आता पवार विरुद्ध शिंदे होणार. कारण का पवार माझे वडील आणि माझ्या आईचं आडनाव शिंदे. मी परवा दादालाही सांगितलं की, दादा आता किती मजा येणार ना, कारण पवार विरुद्ध शिंदे होणार. बाबा जिंकणार की आई हे काळचं ठरवेल आपल्याला.

आपला श्रीकांत मला खूप प्रिय आहे. श्रीकांत खूप गोड मुलगा आहे. मला आनंद वाटतो. परवा भेटला होता दिल्लीत, तुम्ही दिल्लीत आला होता, पण आपली भेटच झाली नाही. बघा बाबा, सगळीकडे आता पाऊस वैगरे पडतोय. बघा बाबा त्या चिन्हाचं वैगरे काय होतं ते उरकून टाकून जरा. कामाला लागूया हो. सव्वा महिना झाला. माझ्या कामाचा इतका खोळंबा झाला आहे, एखाद्या कलेक्टरला किंवा अधिकाºयाला फोन केला की अधिकारी म्हणतात, अजून मंत्रीच जागेवर नाहीत. जरा तेवढं बघा हो... माझी मतदार संघातील फार काम अडकलीत, तेवढं फक्त लवकर करुन घ्या. खूप खूप शुभेच्छा. तुम्ही इतकं कमी बोलता की मला दडपण येतं. मी बोलतंच राहते. आपलं नातं वन वे आहे असंच वाटतं. ओके भेटूया आपण. जय महाराष्ट्र...’ 

 ‘बस बाई बस’ या शोमध्ये सुबोध भावे लेडीज स्पेशल अशी राखीव बस घेऊन येणार आहे ज्यात काही निवडक स्त्री प्रेक्षकांना त्यांच्या आवडत्या स्त्री सेलेब्रिटीशी मनमोकळ्या गप्पा मारायला मिळणार आहे. या कार्यक्रमात लवकरच राष्ट्रवादी नेत्या सुप्रिया सुळे उपस्थित राहणार आहेत.