'नागिन 3' अवतारात छोट्या पडद्यावर झळकणार सुरभि ज्योति

स�

��परहिट 'नागिन' मालिकेचा तिसरे पर्व लवकरच रसिकांच्या भेटीला येणार आहे.त्यामुळे आता मालिकेत नागिन बनत छोट्या पडद्यावर कोण एंट्री मारणार याचीच उत्सुकता पाहायला मिळाली होती. वेगवेगळ्या टीव्ही अभिनेत्रींची नावं नागिन भूमिकेसाठी चर्चेत होती. अखेरयावरून पडदा उठला आहे.टीव्ही अभिनेत्री सुरभी ज्योती 'नागिन' अवतारात झळकणार असल्याचे कळतंय.या आधीचे पर्व मौनी रॉय आणि अदा खान यांनी गाजवला होता.त्यांमुळे तिस-या पर्वातही या दोघी असणार असे रसिकांचा वाटले होते.मात्र तिस-या पर्वात दोघीही नसल्यामुळे कुठेतरी चाहत्यांचा हिरमोडही झाल्याचे पाहायला मिळत आहे.नवीन पर्वानुसार चेहरेही नवीन पाहायला मिळणार आहेत.करिश्मा तन्ना, अनीता हसनंदानी, पर्ल वी पूरी, रजत टोकस, सुरभि ज्योति आणि आम्रपाली गुप्ता कलाकारांची फौज 'नागिन 3' मध्ये झळकणार आहे.नुकतेच एकता कपूरने नागिन अवतारातील सुरभी ज्योतीचा लूक सोशल मीडियावर शेअर केला होता.'नागिन 3'च्या शूटिंगला जोरदार सुरूवात झाली असून प्रत्येक कलाकार आपल्या नवीन ढंगात रसिकासमोर येण्यासाठी उत्सुक आहे.'नागिन 3'च्या माध्यमातून अंकित मोहनही कमबॅक करणार आहे.'एमटिव्ही रोडीज' या कार्यक्रमापासून अंकित मोहनने त्याच्या कारकिर्दीला सुरुवात केली.'मिले जब हम तुम','घर आजा परदेसी','महाभारत','कुमकुम भाग्य' यांसारख्या मालिकांमधल्या त्याच्या भूमिका गाजल्या आहेत.अंकित मोहनने 'कुमकुम भाग्य' या मालिकेला काही महिन्यांपूर्वी रामराम ठोकला होता. या मालिकेला खूप चांगला टिआरपी आहे आणि त्यात अंकित साकारत असलेली भूमिका महत्त्वाची होती. तरीही त्याने इतकी चांगली मालिका का सोडली हा सगळ्यांनाच प्रश्न पडला होता. पण तो दरम्यानच्या काळात त्याच्या एका नव्या प्रोजेक्टमध्ये व्यग्र असल्याने त्याने ही मालिका सोडली होती. अंकित लवकरच प्रेक्षकांना मोठ्या पडद्यावर पाहायला मिळणार आहे. अंकित एका मराठी चित्रपटात मुख्य भूमिका साकारत आहे.नागिन ही मालिका प्रेक्षकांनी डोक्यावर घेतली होती. या मालिकेची लोकप्रियता पाहाता या मालिकेचा दुसरा सिझन प्रेक्षकांच्या भेटीस आला होता. या सिझनला देखील प्रेक्षकांचा खूपच चांगला प्रतिसाद मिळाला होता.त्यामुळे 'नागिन 3' रसिकांचे भरभरून मनोरंजन करणार असा विश्वास एकता कपूरने व्यक्त केला आहे.