‘प्यार के पापड’ मालिकेतील स्वरदाचा विना मेकअप लूक व्हायरल !

स्टार भारतवरील ‘प्यार के पापड’ मालिकेतस्वरदा शिविकाची भूमिका साकारत असून या भूमिकेसाठी तिने बरीच मेहनत घेतली आहे.

सोज्वळ सौंदर्य, भावदर्शी चेहरा यामुळं अभिनेत्री स्वरदा ठिगळेला रसिकांची पसंती मिळत आहे.अल्पावधीतच तिने आपल्या अभिनयाने रसिकांची पसंती मिळवली असून आता रसिक तिच्या भूमिकेप्रमाणेच तिच्या सोज्वळ सौदर्यांच्याही प्रेमात पडत आहेत. सोशल मीडियावरही स्वरदा बरीच ऍक्टिव्ह असते. सोशल मीडियाच्या माध्यमातून ती आपल्या फॅन्सशी संवाद साधते. सोशल मीडियावर ती फोटोही आपल्या फॅन्ससह शेअर करत असते. तिचा असाच एक फोटो सध्या सोशल मीडियावर तिच्या फॅन्ससाठी चर्चेचा विषय ठरत आहे. या फोटोमध्ये स्वरदाचा विना मेकअप लूक पाहायला मिळत आहे. 

स्टार भारतवरील ‘प्यार के पापड’ मालिकेतस्वरदा शिविकाची भूमिका साकारत असून ती कुठलाही लूक इझीली कॅरी करू शकते. ह्या शोमधील तिच्या भूमिकेसाठी तिने अतिशय साधा पारंपारिक वेशही अतिशय उत्तम आणि सुंदर पद्धतीने कॅरी केला आहे. या भूमिकेसाठी तिने बरीच मेहनत घेतली आहे. म्हणूनच निश्चितपणे तिच्या सोज्वळ सौंदर्याच्या प्रेमात कोणीही पडेल. आजकाल प्रत्येक क्षेत्रात ग्रूमिंग अतिशय महत्त्वाचे बनले आहे. स्वरदाने स्वतःसाठी हा वेगळा मार्ग स्वीकारला आहे. कोणत्याही भूमिकेला न्याय देण्याचे कसब स्वरदाकडे आहे असं म्हटल्यास वावगं ठरणार नाही.

 नुकतेच चित्रीकरण करताना स्वरदाने अजिबात मेकअप केला नाही. आपल्या नॅचरल लूकसोबतही ती अतिशय कॉन्फिडंट होती, त्यामुळे दिग्दर्शकांचे मनाविरूद्ध जात तिने पूर्ण सीक्वेन्स तसाच विनामेकअप पूर्ण केला. आजकाल  विनामेकअप लूकमध्ये कलाकार दिसणे तसे विरळच.

स्वरदाच्या ऑनस्क्रीन जेवढी सोज्वळ दिसते, तितकाच  तिचा विना मेकअप लूकही लक्ष वेधून घेतो आहे.यासोबत चेहऱ्यावरील स्मित हास्य रसिकांना अक्षरक्षा क्लीन बोल्ड करत आहे. तिने विनामेकअप काही फोटोज इन्स्ट्राग्राम अकाऊंटवर  शेअर केले आहेत.या फोटोजला भरपूर लाइक्ससुद्धा मिळाले आहेत.