'कर्णसंगिनी'मध्ये तेजस्वी प्रकाश साकारणार 'ही' भूमिका

अभिनेत्री तेजस्वी प्रकाश 'कर्णसंगिनी' मालिकेत नायिका ऊरूवीची भूमिका साकारणार आहे.

ठळक मुद्दे 'कर्णसंगिनी' मालिका कर्ण आणि त्याची पत्नी ऊरूवी यांच्यावर आधारीत ऊरूवीच्या भूमिकेत अभिनेत्री तेजस्वी प्रकाश

महाभारताच्या पार्श्वभूमीवरील स्टार प्लस वाहिनीवरील नवीन मालिका 'कर्णसंगिनी' ही कर्ण आणि त्याची पत्नी ऊरूवी यांच्यावर आधारीत आहे. महाभारतातील युद्ध आणि राजकरणाबद्दका सर्वांनाच ठाऊक आहे, पण या मालिकेत मात्र महाभारतातील दुर्दैवी नायक कर्ण, ऊरूवी आणि अर्जुन यांच्या कथेकडे अगदी नव्या दृष्टीकोनातून सादर केले जाणार आहे. या मालिकेतील कलाकारांच्या नावांची घोषणा आता होत असून प्रेक्षक ती जाणून घेण्यासाठी अतिशय उत्सुक आहेत.

वेगळ्या भूमिका साकारून प्रेक्षकांच्या मनात स्थान निर्माण करणारी अभिनेत्री तेजस्वी प्रकाश 'कर्णसंगिनी' मालिकेत नायिका ऊरूवीची भूमिका साकारणार आहे. प्रथमच पौराणिक प्रकारच्या मालिकेत ती काम करत असून तिला राजकन्येच्या रूपात पाहण्यासाठी सगळे उत्सुक आहोत. अभिनयावर तिचे निस्सीम प्रेम असून तिच्या सगळ्‌याच भूमिकांमधून ते स्पष्ट झाले आहे. कर्णसंगिनीचा हिस्सा बनल्याबद्दल ती खूप खुश आहे. ऊरूवी ही पुख्य साम्राज्याची क्षत्रिय राजकन्या असून अतिशय गुणी अभिनेत्री तेजस्वीला ही भूमिका साकारताना पाहायला प्रेक्षकांना निश्चितपणे आवडेल.
ऊरूवीच्या भूमिकेसाठी तेजस्वी आदर्श असून आपल्या उत्तम व्यक्तिमत्त्वासह तिने नेहमीच प्रेक्षकांना प्रभावित केले आहे. तिच्या जबरदस्त अभिनय, तसेच अनेक प्रॉप्स आणि बॅकड्रॉप्स पाहून प्रेक्षक स्तिमित होतील हे नक्की.
'कर्णसंगिनी' या मालिकेची निर्मिती भव्य प्रमाणावर केली जाणार असून त्यातून त्या काळातील भव्यता दिसून येणार आहे. तसेच एकापेक्षा एक दर्जेदार कलाकार या मालिकेत महत्त्वाच्या भूमिकेत दिसणार आहेत, ही सुद्धा या मालिकेची जमेची बाजू म्हणावी लागेल. आपल्या देखणेपणामुळे प्रसिद्ध असलेला अभिनेता गौतम गुलाटी हा या मालिकेत महत्त्वाची भूमिका रंगवणार आहे. या भूमिकेसाठी तो खूपच उत्सुक आहे. त्याचे हवेहवेसे व्यक्तिमत्त्व, सहज वावर आणि देखणेपणामुळे त्याला या मालिकेत दुर्योधनाच्या भूमिकेसाठी विचारण्यात आले आहे आणि त्याने देखील यासाठी होकार दिलेला आहे.