अनेकांची स्वप्न होणार पूर्ण; कोण होणार करोडपती 'या' दिवशी प्रेक्षकांच्या भेटीला

Kon Honaar Crorepati: आतापर्यंत आता शोचे बरेच पर्व गाजले आहेत. त्यामुळे प्रत्येक नव्या पर्वाची प्रेक्षक आतुरतेने वाट पाहत असतात. त्यामुळे आता प्रेक्षकांची ही प्रतिक्षा संपुष्टात आली असून नव्या पर्वाची घोषणा करण्यात आली आहे.

सामान्यांना स्वप्न पाहायला लावणारा आणि त्या स्वप्नांना आर्थिक पाठबळ देणारा लोकप्रिय शो म्हणजे 'कोण होणार करोडपती' (Kon Honaar Crorepati). लोकप्रिय ठरलेल्या या कार्यक्रमाचं सूत्रसंचालन अभिनेता सचिन खेडेकर (Sachin Khedekar) करत असून आतापर्यंत आता शोचे बरेच पर्व गाजले आहेत. त्यामुळे प्रत्येक नव्या पर्वाची प्रेक्षक आतुरतेने वाट पाहत असतात. त्यामुळे आता प्रेक्षकांची ही प्रतिक्षा संपुष्टात आली असून नव्या पर्वाची घोषणा करण्यात आली आहे. 'आता आली आहे आपली वेळ, ज्ञान आणि मनोरंजन यांचा अद्भुत खेळ', असे या वेळच्या पर्वाचं ब्रीदवाक्य आहे. 
 
सोनी मराठी वाहिनीवरील 'कोण होणार करोडपती' हा बहुचर्चित कार्यक्रम येत्या६ जूनपासून प्रेक्षकांच्या भेटीस  येणार आहे. गेल्या वर्षीप्रमाणेच यावर्षीदेखील अनेक स्पर्धकांनी उत्स्फुर्त प्रतिसाद नोंदवत सहभाग घेतला आहे. 'कोण होणार करोडपती' या लोकप्रिय कार्यक्रमाचे सूत्रसंचालन पुन्हा एकदा प्रसिद्ध अभिनेते सचिन खेडेकर करणार आहेत.  या कार्यक्रमात महाराष्ट्राच्या वेगवेगळ्या भागातून स्पर्धक सहभागी होत असतात. आणि, येणाऱ्या प्रत्येकाशी ते आपलेपणाने संवाद साधतात.त्यामुळे मराठी कलाविश्वातील लोकप्रिय होस्ट म्हणूनही त्यांच्याकडे पाहिलं जात आहे.

दरम्यान, 'कोण होणार करोडपती' या कार्यक्रमाच्या पर्वात  यंदा ज्येष्ठ अभिनेत्री तनुजा, प्रसिद्ध अभिनेत्री काजोल, प्रसिद्ध लेखिका सुधा मूर्ती यांच्यासारखे अनेक मान्यवर उपस्थितीत राहणार आहेत. या कार्यक्रमाचं नवं पर्व येत्या 6 जूनपासून प्रेक्षकांच्या भेटीला प्रेक्षकांना पाहता येणार आहे.