​या जाहिरातीमुळे पूजा बेदी अडकली होती वादात

प�

��जा बेदी जो जिता वही सिकंदर या चित्रपटात झळकली होती. या चित्रपटातील तिने साकारलेली भूमिका प्रेक्षकांना प्रचंड आवडली होती. पूजा बेदी ही बोल्ड अॅक्टरेर्स म्हणूनच ओळखली जाते. पूजा बेदी आणि वाद यांचे खूपच जवळचे नाते आहे. १९९१ मध्ये पूजावर चित्रीत झालेल्या एका जाहिरातीमुळे तर चांगलाच वाद निर्माण झाला होता. तिने कामसूत्र कंडोमच्या जाहिरातीत काम केले होते. या जाहिरातील तिच्या मादक अदांची चांगलीच चर्चा रंगली होती. या जाहिरातीला दूरदर्शनवर दाखवण्यास बंदी होती. तसेच इतर वाहिनींनी देखील ही जाहिरात प्रक्षेपित करण्यास मनाई केली होती. 
पूजा बेदीचा ११ मे म्हणजेच आज ४८ वा वाढदिवस आहे. तिने जो जिता वही सिकंदर या चित्रपटाप्रमाणेच विषकन्या, लुटेरे, फिर तेरी कहानी याद आयी यांसारख्या चित्रपटांमध्ये काम केले. पण तिचे अनेक चित्रपट फ्लॉप झाले. त्यानंतर झलक दिखला जा, बिग बॉस, फिअर फॅक्टर, नच बलिये यांसारख्या रिअॅलिटी शो मध्ये देखील ती झळकली होती. पूजा बेदी तिच्या व्यवसायिक आयुष्यापेक्षा नेहमीच वैयक्तिक आयुष्यासाठी चर्चेत असते. पूजा बेदीचे फरहान फर्निचरवाला सोबत लग्न झाले होते. पण लग्नाच्या काहीच वर्षांत त्या दोघांनी घटस्फोट घेतला. पूजा आणि फरहान यांना दोन मुले आहे. घटस्फोटानंतर पूजाची अनेक अफेअर गाजली. तिचे कोरिओग्राफर हनिफ हिलाल आणि अभिनेता आकाशदीप सेहगल यांच्या सोबतचे प्रेमप्रकरण तर चांगलेच गाजले होते. आकाशदीप आणि तिची ओळख बिग बॉसच्या घरामध्ये झाली होती, बिग बॉस संपल्यानंतर देखील त्या दोघांना अनेकवेळा एकत्र पाहायला मिळाले होते. ते अनेक पार्टी, समारंभात एकत्र असायचे. पण दरम्यानच्या काळात त्यांच्यात काही मतभेद निर्माण झाले आणि त्यांनी वेगळे होण्याचा निर्णय घेतला. अभिनयापेक्षा आपल्या फटकळ वक्तव्यांमुळे अन् पर्सनल लाइफमुळेच ती अधिक चर्चेत राहिली आहे. त्यामुळे अजूनही ती तिच्या आयुष्यात स्थिर होऊ शकली नाही. ४८ वर्षीय पूजा तब्बल पाच पुरुषांबरोबर रिलेशनशिपमध्ये राहिली, मात्र अशातही ती आज एकाकी जीवन जगत आहे. 

Also Read : ​४७ वर्षांची पूजा बेदी पुन्हा पडली प्रेमात! कोट्यधीश उद्योगपतीला करतेयं डेट!!