या टीव्ही स्टार्सनी दारू पिऊन केला तमाशा; कोणाला चोपलं, तर कोणाला वाहिली शिव्यांची लाखोली!!

प�

��रसिद्ध कॉमेडियन कपिल शर्मा सध्या त्याच्या कॉमेडीपेक्षा आपल्या सहकलाकारांशी केलेल्या मारपिटीमुळे चर्चेत आहे. सुनील ग्रोव्हर आणि चंदन प्रभाकर यांच्याशी हुज्जत घालताना त्यांना चोपण्यापर्यंत कपिलने कारनामा केल्याने सध्या तो वादाच्या भोवºयात आहे. त्याने हा कारनामा दारूच्या नशेत केल्याने तो सध्या टीकेचा धनी ठरला आहे. मात्र कपिल हा पहिलाच स्टार नाही की, ज्याने नशेत असे वादग्रस्त कृत्य करून कॉन्ट्रोव्हर्सी निर्माण केली. काही कलाकारांनी तर दारू पिऊन भररस्त्यात तमाशा घातला, शिवाय लोकांना शिव्यांची लाखोलीही वाहिली तर काहींनी नशेतच स्वत:चे आयुष्य संपविले. अशाच टीव्ही कलाकारांच्या कारनाम्यांवर आधारित हा रिपोर्ट...



अंकिता लोखंडे
‘पवित्र रिश्ता’ फेम अंकिता लोखंडे हिने मे २०१६ मध्ये झालेल्या एका पार्टीत दारूच्या नशेत असा काही तमाशा केला की, बघणारे चकीत झाले. त्यावेळी तिने बॉयफ्रेंड (आता एक्स बॉयफ्रेंड) सुशांत सिंह राजपुत याला अशा काही शिव्या दिल्या जे एकूण इतरांनी कानावर हात ठेवला नसेल तरच नवल. अंकिता इथवरच थांबली नाही तर, तिने सुशांतच्या श्रीमुखातही भडकावल्याचा दावा केला जात आहे. 



प्रत्युषा बॅनर्जी 
‘बालिका वधू’ या मालिकेतून घराघरात पोहचलेली प्रत्युषा बॅनर्जी हिने १ एप्रिल २०१६ मध्ये आत्महत्त्या केल्याचे उघड झाले होते. राहत्या घरी पंख्याला लटकलेली तिची डेड बॉडी पोलिसांना आढळून आली होती. प्रत्युषाने असे का केले असावे, असा प्रश्नही उपस्थित केला गेला. परंतु फॉरेंसिक रिपोर्ट पुढे आला तेव्हा तिने दारूच्या नशेत स्वत:चे आयुष्य संपविल्याचे उघड झाले. तिच्या रक्तात १४० अल्कोहोलची मात्रा आढळून आली होती. 



करण पटेल
‘ये है मोहब्बते’ फेम करण पटेल काम्या पंजाबीला डेट करीत असल्याच्या बातमीमुळे चर्चेत आला होता. मात्र काम्यासोबत त्याचे हे प्रेमप्रकरण फार काळ टिकले नाही. काम्यासोबतच्या ब्रेकअपनंतर केवळ दोनच महिन्यांत त्याने अंकिता भार्गव हिच्याशी विवाह केला. त्यानंतर ‘बॉक्स क्रिकेट लीग’मध्ये करणने दारू पिऊन असा काही तमाशा केला की चक्क काम्या पंजाबीला तो माफी मागत होता. करण एवढ्यावरच थांबला नाही, त्याने तिला परत फ्रेण्डशिपची मागणी केली. मात्र करणची ही मागणी काम्याने फेटाळून लावली. 



सिद्धार्थ शुक्ला
‘बालिका वधू’ फेम सिद्धार्थ शुक्ला याला २०१५ मध्ये दारूच्या नशेत ड्रायव्हिंग करताना मुंबई पोलिसांनी त्याला जुहू येथे पकडले होते. तसेच त्याच्यावर ‘ड्रंक अ‍ॅण्ड ड्राइव्ह’चा गुन्हाही दाखल केला होता. यावेळी पोलिसांनी सिद्धार्थला दोन हजार रुपयांचा फाइनही लावला होता. 



अपूर्व अग्निहोत्री आणि शिल्पा सकलानी
पाच वर्षांपूर्वी अपूर्व अग्निहोत्री आणि शिल्पा सकलानी यांच्यासह ८६ लोकांना जुहू येथील एका हॉटेलमध्ये झालेल्या हाय प्रोफाइल रेव्ह पार्टीत पोलिसांनी पकडले होते. यावेळी सगळ्यांनीच दारू आणि ड्रग्जची नशा केली होती. अपूर्व आणि शिल्पाने ड्रग्ज घेण्याबाबतचा पोलिसांचा दावा फेटाळून लावला होता. 



राजा चौधरी
अभिनेत्री श्वेता तिवारी हिचा एक्स हसबंड राजा चौधरी याच्यावर डोमेस्टिक वॉयलेंसचा आरोप लावला होता. श्वेताने केलेल्या आरोपांनुसार राजा दररोज दारूच्या नशेत घरी येत होता अन् मला मारपीट करत होता. त्यावेळी श्वेताने पोलिसांकडे वेळोवेळी राजाविषयी मारपीट तसेच शिवीगाळ करीत असल्याच्या तक्रारी दिल्या होत्या. पुढे २०१२ मध्ये त्यांच्यात घटस्फोट झाला. त्यानंतर श्वेताने अभिनव कोहली याच्याशी विवाह केला. 



राहुल महाजन
रिअ‍ॅलिटी टीव्ही स्टार राहुल महाजन याच्यावर त्याच्या दोन्ही पत्नी श्वेता आणि डिंपी यांनी मारपीट केल्याचा आरोप केला होता. डिंपीने तर असा आरोप केला होता की, राहुलने दारुच्या नशेत तिच्यावर फिजिकली असॉल्ट केले. राहुल महाजन ड्रग्ज घेत असल्याचेही समोर आले होते. 



राहुल राज सिंह
प्रत्युषा बॅनर्जी हिचा बॉयफ्रेंड राहिलेला राहुल राज सिंह याच्यावर गेल्या सहा महिन्यांपूर्वीच दारूच्या नशेत ड्रायव्हिंग करीत असल्याबाबतचा गुन्हा दाखल करण्यात आला आहे. यावेळी त्याच्याकडे ड्रायव्हिंग लायसेंसही नव्हते. जेव्हा त्याने या दोन्ही प्रकरणांत पेनल्टी भरली तेव्हा त्याला सोडण्यात आले होते. 



गौरव शर्मा
‘ड्रीम गर्ल’ या मालिकेत अखेरीस बघावयास मिळालेला गौरव शर्मा जानेवारी २०१६ मध्ये ड्रंक अ‍ॅण्ड ड्राइव्ह या प्रकरणात अडकला होता. एका मुलाखतीत त्याने सांगितले होते की, मलाड येथे मित्रांसोबत पार्टी केल्यानंतर जेव्हा मी लोखंडवाला येथे जात होतो तेव्हा मला तेथे काही मित्र भेटले होते. त्यामुळे माझा ड्रायव्हर निघून गेल्याने मलाच ड्रायव्हिंग करावी लागली. त्यामुळेच हा इंसिडेंट झाला होता. गेल्या एक वर्षापासून मी दारूकडे बघितले नव्हते. मात्र पार्टीत मित्रांनी हट्ट केल्यानेच हा सर्व प्रकार घडला. एक चूक माणसाला किती अडचणीत आणू शकते हे मला तेव्हा कळाले होते, असे त्याने सांगितले होते.  



राजा सागू 
न्यू इयर पार्टीत अभिनेत्री पूनम प्रीतला गायक राजा सागू याच्याकडून मोलेस्ट केले गेले होते. पूनमने दिलेल्या माहितीनुसार राजाने दारूच्या नशेत माझ्याशी गैरवर्तणूक केली होती.