'बिग बॉस'चा हा विजेता चालवतो ढाबा, म्हणाला - 'मी यशाचा...'

Bigg Boss : 'बिग बॉस'चा हा विजेता प्रसिद्धीपासून दूर राहून जगतोय साधे जीवन

रिअॅलिटी शो जिंकून कोणी स्टार बनले तर अनेकजण झगमगाटीच्या दुनियेत हरपून जातात. वास्तविकता जिंकणे जितके कठीण आहे. ती लोकप्रियता टिकवणेही तितकेच अवघड असते. रिअॅलिटी शोच्या दुनियेत फार कमी लोक आहेत ज्यांनी आपली लोकप्रियता कायम ठेवली आहे. नाहीतर बहुतेक लोक निनावी होतात. आशुतोष कौशिक (Ashutosh Kaushik) देखील अशा स्टार्सपैकी एक आहे जे प्रसिद्धीपासून दूर राहून साधे जीवन जगत आहेत.

आशुतोष कौशिकने 'बिग बॉस' आणि 'रोडीज'सारखे रिअॅलिटी शो जिंकले आहेत. दोन्ही रिअॅलिटी शो जिंकल्यानंतर आशुतोषची लोकप्रियता यशाच्या शिखरावर होता. यानंतर तो अर्शद वारसीचा चित्रपट 'जिला गाझियाबाद' आणि सैफ अली खानचा चित्रपट 'शॉर्टकट रोमियो'मध्येही दिसला होता. आशुतोष कौशिकचे आयुष्य चांगले चालले होते, त्याला अनेक चांगल्या ऑफर्सही येत होत्या, पण कदाचित त्याच्या नशिबाला काही वेगळेच मंजूर होते. एका मुलाखतीदरम्यान आशुतोष म्हणाला की, मी यशाचा फायदा घेऊ शकलो नाही. नशिबाने आणि देवाच्या आशीर्वादामुळे मी रिअॅलिटी शो जिंकला असे तो म्हणतो. यासाठी फार कष्ट घेतले नाहीत. गोष्टी आपापल्या परीने घडल्या. मनोरंजन क्षेत्रात मी खूप संघर्ष केला आहे. मला कसे पुढे जायचे ते माहित नाही. पण त्याला ढाबा कसा चालवायचा हे माहीत होते. म्हणूनच मी ते यशस्वीपणे चालवले.

रिअॅलिटी शो जिंकल्यानंतर आशुतोष अचानक लाइमलाइटपासून दूर गेला. काही दिवसानंतर कळले की तो त्याच्या गावी, यूपीच्या सहारनपूरमध्ये दोन ढाबे चालवत आहे. त्याने एका मुलाखतीत सांगितले होते की, उत्तराखंडमध्ये त्याचे शोरूम आहे. आशुतोष म्हणाला की, तो त्याच्या ढाब्यावर लोकांना खाऊ घालतो. याशिवाय तो नोएडाच्या न्यूज चॅनलसाठी वेळोवेळी कार्यक्रमही करत असतो.