Swanand Ketkar : ‘तू तेव्हा तशी’ फेम स्वानंद केतकरने गुपचूप उरकला साखरपुडा, पाहा फोटो

Tu Tevha Tashi Fame Actor Swanand Ketkar Got Engaged: स्वानंदचा नुकताच साखरपुडा पार पडला. साखरपुड्याचे काही फोटो शेअर करत स्वानंदने ही आनंदाची बातमी चाहत्यांसोबत शेअर केली आहे.

Tu Tevha Tashi Fame Actor Swanand Ketkar Got Engaged : मनोरंजन विश्वातून आणखी एक गुडन्यूज समोर आली आहे. नव्या वर्षात ‘फुलाला सुगंध मातीचा’ फेम  अभिनेत्री भूमिजा पाटीलने तिच्या नव्या आयुष्याला सुरूवात केली. नुकताच तिचा साखरपुडा पार पडला. आता आणखी एका अभिनेत्याने गुपचूप साखरपुडा उरकला आहे. होय, आम्ही बोलतोय ते ‘तू तेव्हा तशी’ या मालिकेतील अभिनेता स्वानंद केतकरबद्दल.

स्वानंदचा नुकताच साखरपुडा पार पडला. गेल्या 4 जानेवारीला त्याने अक्षता आपटे (Akshata Aapte)हिच्यासोबत साखरपुडा केला. स्वानंदने साखरपुड्याचे काही फोटो शेअर करत ही आनंदाची बातमी चाहत्यांसोबत शेअर केली आहे.

स्वानंद व अक्षता हे दोघे दीर्घकाळापासून रिलेशनशिपमध्ये होते. अक्षता ही कवयित्री आहे. शिवाय अभिनेत्री अशीही तिची ओळख आहे. स्वानंद व अक्षतावर सध्या शुभेच्छांचा वर्षाव होतोय. दोघांच्याही साखरपुड्याचे फोटो सोशल मीडियावर व्हायरल होत आहेत.
  ‘तू तेव्हा तशी’ या मालिकेमुळे स्वानंद घराघरात पोहोचला. या मालिकेत त्याने नील ही भूमिका साकारली आहे. या मालिकेत स्वप्नील जोशी व शिल्पा तुळसकर मुख्य भूमिकेत आहेत.  नीलची भूमिका साकारणाऱ्या स्वानंद केतकरची ही पहिलीच मालिका आहे. यापूर्वी स्वानंदने नाटक, एकांकिका याबरोबरच आपली सोसल वाहिनी या सेगमेंटमधून भूमिका साकारल्या आहेत.

 

मुंबईकर असलेल्या स्वानंदला लहानपणापासूनच अभिनयाची आवड होती. कॉलेजमध्येच त्याला अभिनयाची गोडी लागली आणि त्याने खूप बक्षीसंही मिळवली. स्वानंदने कलाश्रय नावाच्या संस्थेची स्थापना केली आहे ज्यामधून तो संगीत कार्यशाळा, वारली आर्ट यासारखे उपक्रम राबवतो. स्वानंद हा सोशल मीडियावर मजेशीर व्हिडीओही बनवत असतो. अभिनयाची उत्तम जाण असलेल्या स्वानंदला तू तेव्हा तशी ही मालिका मिळाली तेव्हा त्याची भूमिका खूप छोटी होती. पण सुहास जोशी, स्वप्नील जोशी, शिल्पा तुळसकर, अभिज्ञा भावे यांच्यासारख्या कलाकारांसोबत काम करायला मिळणार हीच गोष्ट त्याच्यासाठी भाग्याची होती,असं तो सांगतो.